ڕفعەت عەبدوڵا: سەرۆك مام جەلال عیراقی لەدیكتاتۆرییەوە گواستەوە بۆ قۆناغی دیموكراسی

راگەیاندنی ڕفعەت عەبدوڵا جێگری سەرۆكی یەكێتیی نیشتمانیی كوردستان

سەرۆك مام جەلال

ڕفعەت عەبدوڵا، جێگری سەرۆكی یەكێتیی نیشتمانیی كوردستان، پەیامێكی بڵاوكردەوەو رایگەیاند:  ئەمڕۆ بە شانازییەكی كوردانەو یەكێتییانەوە یادی هەڵبژاردنی یەكە‌مین سەرۆك كۆماری كورد دەكەینەوە، كە بۆ یەكەم جار پێشمەرگەو دیپلۆماتكار، سیاسی و شۆڕشگێڕێكی كورد لەكۆشكی سەلامەوە، عیراقی لەدیكتاتۆرییەوە گواستەوە بۆ قۆناغی دیموكراسی و هەڵبژاردنی ئازاد، هەڵبژاردنی سەرۆك مام جەلال، بۆ ئەم ئەركە مێژوییە شانازییەكی تربوو لەتۆماری خەبات و تێكۆشانی مام جەلالی رابەرمان.

دەقی پەیامەكە:

ئەمڕۆ بەشكۆو شانازییەكی كوردانەو یەكێتییانە یادی رۆژێكی مێژوویی دەكەینەوە كەیەكێتی و كورد، یەكە‌مین سەرۆك كۆماری هەڵبژێردراوی كوردیان بەخشییە عیراقی دوای رووخانی دیكتاتۆرییەت، 6ی 4ی 2005 بەروارێكی پرشنگدارە لەڕۆژمێری عیراق و كوردستاندا بەوەی بۆ یەكەم جار پێشمەرگەو دیپلۆماتكار، سیاسی و شۆڕشگێڕێكی كورد لەكۆشكی سەلامەوە عیراقی لەدیكتاتۆرییەوە گواستەوە بۆ قۆناغی دیموكراسی و هەڵبژاردنی ئازاد.

هەڵبژاردنی سەرۆك مام جەلال، بۆ ئەم ئەركە مێژوییە شانازییەكی تربوو لەتۆماری خەبات و تێكۆشانی مام جەلالی رابەرمان كەوەك هەمیشە بەگفتوگۆو سیاسەتی شێنەیی و لێكتێگەیشتن كێشەكانی چارەسەر دەكردو یارو نەیار شاهیدی ئەوەن كەكۆكەرەوەی سەرجەم عیراقییەكان بوو.

لەم یادە مێژوییەدا پیرۆزبایی لەیەكێتی و لەكوردستانیان و سەرجەم عیراقییەكان دەكەم و جەخت لەسیاسەتی پێكەوەیی و دیالۆگ و گەڕانەوە بۆ حیكمەت و حەكیمی و پشودرێژییەكەی سەرۆك مام جەلال دەكەینەوە بۆ چارەسەركردنی گرفت و ئاڵۆزییەكان.

ڕفعەت عەبدوڵا
جێگری سەرۆكی یەكێتیی نیشتمانیی كوردستان

PUKMEDIA