نێروەیی: بەسیاسەتی حەکیمانەی سەرۆک مام جەلال کێشەکان چارەسەردەکران

PUKMEDIA

لەتیف نێروەیی لێپرسراوی بۆردی راگەیاندنی یەكێتیی نیشتمانیی كوردستان

لێپرسراوی بۆردی راگەیاندنی یەکێتیی نیشتمانیی کوردستان رایدەگەیەنێت: ئەزموونی سەرۆک مام جەلال وایکردبوو هەمیشە بۆ چارەسەرکردنی کێشەکان سیاسەتێکی حەکیمانە بەکاربهێنێت، جگە لەوەی کاریزمایەک بوو زۆرینەی سەرکردەی حزبەکان وەک باوک سەیریان دەکرد و بە موڵکی هەمووانیان دەزانی.

لەتیف نێروەیی لێپرسراوی بۆردی راگەیاندنی یەکێتیی نیشتمانیی کوردستان لەمیانی بەشداریکردنی لەبەرنامەی بەیانی رادیۆی گەلی کوردستان-دا رایگەیاند: سەرۆک مام جەلال لەڕێگای دەنگدانێکی دیموکراتییانەوە بوو بە سەرۆککۆمار و دەیان فراکسیۆنی جۆراوجۆر دەنگیان پێدا و کارەکتەرێکی سەنگین و بەتوانا لەبەغداد بوو بە پشت و پەنا بۆ بەرگریکردن لە مافی خەڵکی کوردستان و بۆ ئەمەش هەوڵی زۆریدا و رۆڵێکی سەرەکیشی هەبوو بۆ گێڕانەوەی مافەکانی هەرێم.

راشیگەیاند: سەرۆک مام جەلال توانی عیراقییەکان کۆبکاتەوە و سەقامگیری بگێڕێتەوە بۆ ناوچە دابڕێنراوەکان بەتایبەت لە کەرکوک، هاوکات پارێزەری سەرجەم پێکهاتەکانیش بوو خۆی بە نوێنەری سەرجەم پێکهاتەکان دەزانی و عیراقی لەقۆناغێکی ئاڵۆز و دژوارەوە گۆڕی بۆ عیراقێکی پەڕلەمانی فرە حزبی فیدراڵی.

لەتیف نێروەیی لێپرسراوی بۆردی راگەیاندنی یەکێتیی نیشتمانیی کوردستان ئاماژەی بەوەشکرد، ئەزموونی سەرۆک مام جەلال وایکردبوو هەمیشە بۆ چارەسەرکردنی کێشەکان سیاسەتێکی حەکیمانە بەکاربهێنێت، جگە لەوەی کاریزمایەک بوو زۆرینەی سەرکردەی حزبەکان وەک باوک سەیریان دەکرد و بە موڵکی هەمووانیان دەزانی.

PUKMEDIA