سەرۆك بافڵ: مامە غەفە هێمای ئازایەتی و دڵسۆزیی خاك و نیشتمانە

PUKMEDIA

بافڵ تاڵەبانی، سەرۆكی یەكێتی نیشتمانی كوردستان

بافڵ جەلال  تاڵەبانی، سەرۆكی یەكێتی نیشتمانی كوردستان، بۆ كۆچی دوایی مامە غەفە پەیامێكی هاوخەمی بڵاوكردەوەو رایگەیاند: مام غەفوور هەموو تەمەنی خۆی بۆ گەلەكەی تەرخانكرد و بۆ ئێمە هێمای ئازایەتی و دڵسۆزییە بۆ خاك و نیشتمان.

دەقی پەیامەكە:

لە دڵەوە غەمباربووم بە كۆچی دوایی پێشمەرگەی دێرین مام غەفوور، یەكێك لە فەرماندە دیارەكانی شۆڕشی نوێ و یەكێتیی نیشتمانیی كوردستان. 

بۆ ئەم خەمە پرسە و سەرەخۆشی ئاڕاستەی بنەماڵە سەربەرزەكەیان، هاوڕێ و هاوسەنگەرانی دەكەم. 

مام غەفوور یەكێك بوو لە تێكۆشەرە دیارەكانی كوردستان كە هاوڕێی سەرۆك مام جەلال بوو ، هەموو تەمەنی خۆی بۆ گەلەكەی تەرخانكرد و بۆ ئێمە هێمای ئازایەتی و دڵسۆزییە بۆ خاك و نیشتمان، بۆیە لەدەستدانی كۆستێكی گەورەیە بۆ هەموومان. 

لە خوای گەورە داواكارم گیانی هەڤاڵی كۆچكردوومان بە بەهەشتی بەرین شادبكات و سەبووری و ئارامی بە هەموو لایەكمان ببەخشێت.

بافڵ جەلال  تاڵەبانی
سەرۆكی یەكێتی نیشتمانی كوردستان

PUKMEDIA