سبەینێ لە ئیتاڵیا یادی شەریف پادشای خەندان دەکرێتەوە

PUKMEDIA

کارنامەی فێستیڤاڵەکە

سبەینێ 19ی ئازاری 2026 حەڤدەهەمین فێستیڤاڵی نێودەوڵەتیی بەدرخان کە ماوەی سێ رۆژ دەخایەنێت لە شاری کەتەنزاڕۆ لە وڵاتی ئیتاڵیا بەڕێوەدەچێت، کە تەرخانکراوە بۆ یادکردنەوەی ژەنەڕاڵ شەریف پاشای خەندان وەک پێشەنگێکی دیپلۆماسیی کورد. 

لەوبارەیەوە لیژنەی باڵای ئامادەکاری فێستیڤاڵی نێودەوڵەتی بەدرخان رایگەیاند: چالاکییەکانی فێستیڤاڵەکە بە بەشداریی  30کەسایەتیی ئەکادیمی و نووسەر و رۆژنامەنووسی کورد لە هەرێمی کوردستانەوە بەڕێوەدەچن، هاوکات  گرنگترین کارەکانی ئەمساڵی فێستیڤاڵەکە بریتییە لە چاپکردنی 13 کتێب و پەردەلادان لەسەر پەیکەرێک بۆ شەریف پاشا و کردنەوەی پێشانگای کتێب و شێوەکاری و بڵاوکردنەوەی سێ رۆژنامە بە زمانەکانی کوردی و فەڕەنسی و ئیتاڵی بە ناوی (ژەنەڕاڵ شەریف پاشا).

ئەمەش لەکاتێکدایە، بیرۆکەی یادەکە و دۆزینەوەی گۆڕی شەریف پاشا (1865 - 1951) لە ئیتاڵیا، لەلایەن دکتۆر جاسم تۆفیق خۆشناوەوە بووە. کارەکانی ئەم پڕۆژەیە دوای ساڵێک لە ئامادەکاری و بە هاوکاریی چەندین کەسایەتیی سیاسی و ئەکادیمی، لەگەڵ نوێنەرایەتیی حکومەتی هەرێمی کوردستان لە ئیتاڵیا و ڤاتیکان و هەردوو پارێزگای سلێمانی و کەتەنزاڕۆ جێبەجێ دەکرێت.

PUKMEDIA