موشەكە نوێیەكانی ئێران باسوخواسی جەنگن

ميدياكان

موشەكە نوێیەكانی ئێران

ئەمڕۆ هەینی 6ی 3ی 2026، هەریەك لە وڵاتانی ئێران و ئیسرائیل دوای حەوت رۆژ لەهێرشەكانیان بۆ سەر یەكتر، دەستپێكردنی شەپۆلێكی دیكەی هێرشی بەرفراوانیان بۆسەر یەكتر دەستپیكردو ئیسرائیلیش رایدەگەیەنێت: ئێران دوو جۆر موشەكی كاریگەری هەیە كەبەكارهێنانیان تاوانی جەنگە.

میدیاكانی ئیسرائیل رایانگەیاند: ئێران دوو جۆر موشەكی كاریگەری هەیە، كە یەكێكیان خوڕەم شەهر 4 ە، كەزۆری هەیەو نزیكەی 1500 كیلۆ تەقەمەنی هەڵدەگرێت و پێش گەشتنی بە ئامانجەكەی بە 8 كم دەبێتە 80 پارچە و تائێستا یەك دانە لەم جۆرە موشەكەی تەقاندووە.
 
هاوكات ئاماژەیان بەوەشدا: لەموشەكی  خوڕەم شەهر مەترسیدارتر، موشەكی جۆری رستاخیزە، كە ئیسرائیل، پێیوایە ئەم دوو  جۆرە كۆمەڵكوژن و تاوانی جەنگن و نابێت  ئێران بەكاریان بهێنێت، چونكە زیانی گەورە لەو دەوڵەتانە دەدات كە ئامانجی ئێرانن. 

هاوكات سوپای پاسداران رایگەیاند: ئەو موشەكانەی ئەمڕۆ كەبەكاریان دەهێنن لە نەوەی نوێ و پێشكەوتوون، كەپێدەچێت لەنێویاندا موشەكەكانی "خەیبەر شكێن" و "خۆڕەمشەهر 4" هەبن، كەهێندە خێران، سیستەمی بەرگریی ئاسمانی لەتەلئەبیب ناتوانێت مامەڵەیان لەگەڵدا بكات و ژمارەیەكی زۆریشیان تێدەپەڕن و لەئامانجەكانیان دەدەن، جگەلەوەی ژمارەیەكیان موشەكی پارچەپارچەن و هەر كە نزیكدەبنەوە بەسەر 20 ئامانجدا دابەشدەبن و رووبەرێكی فراوان دەگرنەوە، تائێستاش هیچ موشەكێكی بەرگری ئاسمانی ناتوانێت رێگرییان لێبكات.

ئەمەش لەكاتێكدایە، یەكێك لەو موشەكانەی ئەمڕۆ لەلایەن ئێرانەوە ئاڕاستەی ئیسرائیل كران، تەرخانكرابوو بۆ یادی كچانی خوێندنگەی میناب، كە ئێران رایگەیاند: بۆهۆی هێرشەكانی ئیسرائیلەوە بۆسەر ئێران لە یەكەم رۆژی جەنگدا 160 خوێندكار لەخوێندنگەكەدا گیانیان لەدەستدا.

رۆژی شەممە 28ی 2ی 2026، هێرشی هاوبەشی ئیسرائیل ئەمریكا بۆسەر ئێران دەستیپێكردو تاوەكو ئێستا بەردەوامە.

PUKMEDIA