کەشناسی: باران بارین دەستپێدەکاتەوە

PUKMEDIA

کەش وهەوا

بەڕێوەبەرایەتی گشتی كەشناسی و بومەلەرزەزانی هەرێم، كەشی پێشبینیكراوی 48 سەعاتی داهاتووی بڵاوكردەوە و بەپێی پێشبینییەكان، باران بارین دەستپێدەکاتەوە و پلەی گەرماش بەرز دەبێتەوە.

کەشناسی هەرێم رایگەیاندووە: ئەمڕۆ سێ شەممە17ی2ی2026 ،ئاسمان ساماڵ و پەڵەهەور دەبێت لە کاتەکانی ئێوارەدا دەگۆڕێت بۆ هەوری تەواو وە لە شەودا نمەباران و بارانی مام ناوەند دەسپێدەکات لە ناوچەکانی ئێدارەی زاخۆ وە پاشان کاریگەرییەکەی درێژ دەبێتەوە بۆ سەرجەم ناوچەکانی پارێزگای دهۆک و ناوچە شاخاوییەکانی پاشان درێژ دەبێتەوە بۆ سەر ئیدارەی ڕاپەڕین و ناوچە شاخاوییەکانی هەولێر و سەنتەری شار و پارێزگای سلێمانی لەگەڵ ئەگەری کەمێک نمە باران لە باشووری هەرێم و ناوچەکانی گەرمیان لە کاتەکانی بەیانی زووی ڕۆژی چوارشەممە.

پەیوەست بە پلەکانی گەرماش، کەشناسی ئاماژەی بەوەکردووە: پلەکانی گەرما بەگشتی بەرز دەبێتەوە بە ( 2-3 ) پلە بەراوورد بە تۆمارکراوەکانی دوێنێ .

لە بارەی پێشبینی بۆ کەشی سبەی چوارشەممە 18ی2ی2026، کەشناسی هەرێم، پێشبینی دەکات:ئاسمان نیمچە هەور و هەوری تەواو دەبێت لەگەڵ نمە باران بارینی پچڕ پچڕ لە سەر بەشێک لە ناوچە شاخاوییەکان و ناوچە سنووریەکان و ئەگەری نمە بارانێکی کەم لە سەنتەری پارێزگای سلێمانی و هەولێر لە کاتەکانی بەیانی زوودا هەیە.

بەرزترین پلەکانی گەرمای پێشبینیکراو بە پلەی سیلیزی:
هەولێر: 24 پلەی سیلیزی
پیرمام: 20 پلەی سیلیزی
سۆران: 19 پلەی سیلیزی
حاجی ئۆمەران: 16 پلەی سیلیزی
سلێمانی: 22 پلەی سیلیزی
چەمچەماڵ: 24 پلەی سیلیزی
دهۆک: 20 پلەی سیلیزی
زاخۆ: 20 پلەی سیلیزی
هەڵەبجە : 22 پلەی سیلیزی
گەرمیان : 28 پلەی سیلیزی

PUKMEDIA