تەندروستی ڕۆژئاڤا خەڵاتی رێزلێنان پێشکەش بە پزیشکانی هەرێم دەکات

PUKMEDIA

پزیشکانی هەرێم لە رۆژئاڤا

پزیشکانی هەرێمی کوردستان بۆ  پێشکەشکردنی هاوکاری مرۆیی و پزیشکی سەردانی رۆژئاڤایان کرد و تەندروستی رۆژئاڤا و مانگی سوری کوردیش خەڵاتی رێزلێنانیان پێبەخشین.

ڕۆژی 1ی2ی2026، وەفدێکی پزیشکی لە هەرێمی کوردستانەوە، کە پێکهاتبوون لە 19 پزیشکی شارەکانی سلێمانی و هەولێر ،گەیشتنە ڕۆژئاڤای کوردستان،  بۆ ئەوەی هاوکاری و خزمەتگوزاریی پزیشکی و مرۆیی و خزمەتگوزاری پێشکەشی ئاوارە و بریندارەکان  بکەن و  ماوەی دوو ڕۆژ لە شاری دێریک کاریان کرد .

 پاشان وەفدەکە، چوونە شاری قامیشلۆ و بۆ ماوەی دوو ڕۆژ لەوێ مانەوە و  سەردانی بنکە تەندروستییەکان و ناوەندە کاتیەکانی کۆچبەران و ناوەندی مانگی سووری کوردی و ئەنجومەنی جێبەجێکاری ئیدارەی خۆسەریی جەزيرەیان کرد و چارەسەری پزیشکیان پێشکەش بە نەخۆشەکان کرد.

ئەمڕۆش 6ی2ی2026، ده سته ی ته ندروستی رۆژئاڤا و  و مانگی سووری کورد ، خه ڵاتی رێزلێنانیان پێشکەش بە پزیشکانی هەرێمی کوردستان کرد، لەپای ئەو خزمەتە مرۆیی و پزیشکییەی پێشکەشی هاووڵاتیانیان لە رۆژئاڤا کردووە.

PUKMEDIA