مەکتەبی سکرتارییەت لە بارودۆخی تەندروستی کەمال مەحمود عومەر دەپرسێتەوە

PUKMEDIA

مەکتەبی سکرتارییەتی سەرۆک مام جەلال لە تێکۆشەری دێرین کەمال مەحمود عومەر

رۆژی ٢ـی٢ـ٢٠٢٦ مەکتەبی سکرتارییەتی سەرۆک مام جەلال لە شاری سلێمانی سەردانی پێشمەرگەو تێکۆشەری دێرین کەمال مەحمود عومەر ناسراو بە ( کەمال حاجی مەحمودی گەڵاڵی ) یانکرد . 

لەو سەردانەدا ؛ ئەندامانی مەکتەبی سکرتارییەتی سەرۆک مام جەلال لە نزیکەوە لە بارودۆخی تەندروستی هەڤاڵ کەمال یان پرسییەوە و هیوای سەلامەتی زیاترو  تەندروست باشی هەمیشەییان بۆ خواست .!

ئەندامانی مەکتەبی سکرتارییەت پێزانینیان دەربڕی بۆ خەبات و تێکۆشانی بنەماڵەو کوڕانی حاجی مەحمود گەڵاڵی وەک پۆلێک لە تێکۆشەر و پێشمەرگەی رێگای بەرزی کوردایەتی و کە بەهەڵوێستەکانیان ببونە نموونەیەکی باڵای خەبات و تێکۆشان لە شۆڕشی نوێدا کە هەڤاڵ کەمال ـیش هەر لە سەرەتاوە ئازایانە چەکی شەرەفی لە شانناو بووە پێشمەرگەیەکی دڵسۆزی گیان لەسەر دەست بۆ ئازادی و سەربەستی گەلەکەی تاکۆتایی لە ریزی پێشەوەی مەترسییەکان مایەوە ؛ لەبەرامبەر ئەو رابردووەشدا ئەندامانی مەکتەبی سکرتاییەت چەپکە گوڵی رێز و وەفای سەرۆک بافڵ جەلال تاڵەبانی ؛ هەڤاڵ قوباد تاڵەبانی ـیان ئاڕاستەکرد و رێزییان لە رابردووی پڕ شکۆی نا .

لەبەرامبەردا ؛ بنەماڵەی هەڤاڵ کەمال مەحمود رێز و سوپاسیان دەربڕی بۆ بەسەرکردنەوەیان و جەختیان کردەوە بە هەمان رۆحییەتی رابردوو پێشمەرگەی گەلی کورد و یەکێتی دەبن .

PUKMEDIA