ده‌م پارتی و جه‌هه‌په‌ بارودۆخی ر‌ۆژئاڤای كوردستان تاوتوێ ده‌كه‌ن

naharnet

سوریا

بڕیاره‌ ئه‌مڕ‌ۆ سێشه‌ممه‌ 27ی 1ی 2026 ئۆزگور ئۆزێل سه‌رۆكی پارتی كۆماریخوازی گه‌ل (جه‌هه‌په‌) له‌گه‌ڵ هاوسه‌رۆكانی پارتی دیموكراسی و یه‌كسانی گه‌ل (ده‌م پارتی) شاری له‌ ئیستانبوڵ كۆببێته‌وه‌ و له‌ كۆبوونه‌وه‌كه‌دا تیشك بخرێته‌سه‌ر پێشهاته‌كانی سوریا و هێرشه‌كان بۆ سه‌ر ر‌ۆژئاڤای كوردستان.

پێشتریش ئایشه‌گوڵ دۆغان، وته‌بێژی پارتی دیموكراسی و یه‌كسانی گه‌ل له‌ به‌یاننامه‌یه‌كدا سه‌باره‌ت به‌ پێشهاته‌كان ر‌ایگه‌یاندبوو، له‌م هه‌فته‌یه‌دا به‌ سه‌رۆكایه‌تی هاوسه‌رۆكانی پارتی دیموكراسی له‌گه‌ڵ پارته‌ سیاسییه‌كان كۆبوونه‌وه‌ ئه‌نجامده‌درێت.

هه‌روه‌ها ئاشكرایكردبوو، سه‌ردانی یه‌كه‌م بۆ جه‌هه‌په‌ ده‌بێت و دوای جه‌هه‌په‌، كۆبوونه‌وه‌ له‌گه‌ڵ پارتی ده‌عوه‌، پارتی سه‌عاده‌ت و پارتی ئاینده‌ ده‌بێت.

PUKMEDIA