لە سلێمانی و هەولێر چەندین كۆڕ و مەراسیمی ناساندنی كتێب بەڕێوەچوون

کوردستانى نوێ

وێنەیەکى کۆڕەکەى ساڵۆنى کوردستانى نوێ

ئەمڕۆ شەممە 24ى1ى2026 لە چوارچێوەی چالاكییە ئەدەبی و رۆشنبیرییەكاندا، لە هەردوو شاری هەولێر و سلێمانی چەند مەراسیمێك بۆ ناساندن و بڵاوكردنەوەی سێ بەرهەمی نوێ بەڕێوەچوون.

لە شاری هەولێر، ساڵۆنی لاپەڕە نۆی ناوەندی هەولێری مەکتەبی راگەیاندن و هۆشیاری (ی.ن.ک)، مەراسیمێکی تایبەتی بۆ ناساندن و بڵاوکردنەوەی کتێبی "رۆشنایی قوتابخانە" لە نووسینی نووسەر "مستەفا رەسوڵ حەمەد" رێکخست.

هاوکات لە شاری سلێمانى لە هۆڵی ئەمنەسوورەکە، بە ئامادەبوونی کۆمەڵێک لە رۆشنبیران، کۆڕێکی ناساندن بۆ کتێبی "هونەری ژیانێکی باش"  بەڕێوەچوو، کە لە وەرگێڕانی "محەمەد کەریم"ـە.

هەر لە درێژەی ئەم چالاكییانەدا، مەراسیمی ناساندن و بڵاوکردنەوەی کتێبی "من و کۆڕەو ...لە کەرکوکەوە بۆ گۆخڵان" بۆ نووسەر "ئەسعەد جەبار"ی  لە ساڵۆنى کوردستانى نوێ ئەنجامدرا، کە تێیدا تیشک خرایە سەر ناوەڕۆکی پەرتووکەکە و گرنگی ئەو قۆناغە مێژووییە.

PUKMEDIA