سکرتاریەتی سەرۆک مام جەلال: خەتاب عومەر فەرماندەی رۆژە سەختەکان بوو

PUKMEDIA

مەکتەبی سکرتاریەت لە سەردانی خەتاب عومەر عارف

رۆژی ١٢ـی١ـی٢٠٢٦ مەکتەبی سکرتارییەتی سەرۆک مام جەلال لە شاری سلێمانی سەردانی (خەتاب عومەر عارف )فەرماندە و تێکۆشەری دێرینی گەلی کورد و یەکێتی یانکرد . 

لەو سەردانەدا ؛  مەکتەبی سکرتارییەت رۆڵی گەورە و کاریگەری هەڤاڵانی کەرکوکیان لە شۆڕشی نوێدا بەرزنرخاند و ستایشی خەباتی هەڤاڵ خەتاب عومەر -یان کرد وەک “فەرماندەیەکی ئازاو بە دەستی رۆژە سەختەکانی شۆڕش کە بێگوێدانە مەترسی و تەحدییەکان لە سەنگەری رووبەڕووبوونەوەکاندا قارەمانانە بەرگری دەکرد لە مافی رەوای گەلەکەی “. لەبەرامبەر ئەو رابردووە پڕ شکۆیەش مەکتەبی سکرتارییەت پەیام و چەپکە گوڵی رێز و وەفایی سەرۆک بافڵ جەلال تاڵەبانی ؛ هەڤاڵ قوباد تاڵەبانی ـییان ئاڕاستەکرد و هیوای تەندروست باش و سەلامەتی هەمیشەییان بۆ خواست .

لای خۆیەوە ؛ هەڤاڵ خەتاب عومەر سوپاسی  مەکتەبی سکرتارییەتی سەرۆک مام جەلال ـی کرد بۆ بەسەرکردنەوەی و  روونی کردەوە “ئەوەی کارمان بۆ دەکرد یەکێتییەکی بەهێز و یەک دەست بوو جێگەی خۆشحاڵییە ئێستا لەو قۆناغەدا دەژین ؛گرنگە بە هەموومان پشتیوانی هەنگاوەکانی سەرۆک بافڵ و ئەم سەرکردایەتییە نوێیە بکەین بۆ زیاتر بەهێزکردنەوەی یەکێتییەکەمان.

PUKMEDIA