ئه‌نجومه‌نی نوێنه‌ران هه‌وڵی رێكخستنی داهاته‌ نانه‌وتییه‌كان ده‌دات

راگەیاندنى ئەنجومەنى نوێنەران

ئەنجومەنى نوێنەرانى عیراق

ئه‌نجومه‌نی نوێنه‌رانی عیراق بۆ پرسی داهاته‌ نانه‌وتییه‌كان كۆده‌بێته‌وه‌ و ئه‌ندامێكی ئه‌نجومه‌نەكه‌ش ده‌ڵێت: ئه‌نجومه‌نه‌كه‌ هه‌وڵده‌دات هه‌موو ئه‌و سه‌رچاوه‌ داراییه‌ نانه‌وتییانه‌ رێكبخاته‌وه‌، كه‌ بوونه‌ته‌ داهات بۆ خه‌زێنه‌ی ده‌وڵه‌ت.

رامیار حه‌یده‌ر ئه‌ندامی ئه‌نجومه‌نی نوێنه‌رانی عیراق له‌ فراكسیۆنی یه‌كێتی، به‌ وێبسایتی ره‌سمی یه‌كێتیی نیشتمانیی كوردستان PUKMEDIA ی راگه‌یاند: بڕ‌یاره‌ رۆژی شه‌ممه‌ی داهاتوو كۆبوونه‌وه‌ی ئاسایی ئه‌نجومه‌نی نوێنه‌رانی عیراق به‌ڕ‌ێوه‌بچێت و تێیدا گفتوگۆی ئه‌و پرسانه‌ بكرێت كه‌ تایبه‌ته‌ به‌داهاتی نانه‌وتی له‌ عیراقدا.

راشیگه‌یاند: ئه‌نجومه‌نی نوێنه‌رانی عیراق هه‌وڵده‌دات هه‌موو ئه‌و سه‌رچاوه‌ داراییه‌ نانه‌وتییانه‌ رێكبخاته‌وه‌، كه‌ بوونه‌ته‌ داهات بۆ خه‌زێنه‌ی ده‌وڵه‌ت.

به‌ پێی زانیارییه‌كانی PUKMEDIA  بڕ‌یاره‌ له‌ دانیشتنه‌كانی داهاتووی ئه‌نجومه‌نه‌كه‌دا حه‌وت لایه‌نی په‌یوه‌ندیدار ده‌رباره‌ی پرسی داهاته‌ نانه‌وتییه‌كان میوانداری بكرێن، كه‌ پێكهاتوون له‌، دیوانی چاودێری دارایی، ده‌سته‌ی ده‌ستپاكی، ئه‌نجومه‌نی خزمه‌ت، ئه‌نجوومه‌نی پارێزگاكان ، بانكی ناوه‌ندی، ده‌زگای شه‌هیدان و ده‌سته‌ی خانه‌نشینی.

PUKMEDIA