ئەمڕۆ لەهەرێم دەوامە و لەعیراق پشووە

رۆیتەرز

سوپای عیراق

ئەمڕۆ سێشه‌ممه‌ 6ی1ی2026 یادی دامه‌زراندنی سوپای عیراقه‌، به‌ڵام به‌پێی خشته‌ی پشووه‌كانی حكومه‌تی هه‌رێمی كوردستان ئه‌و رۆژه‌ پشوو نییه‌ و ده‌وامی ره‌سمییه‌ له‌دام و ده‌زگاكانی حكومه‌ت، به‌ڵام له‌عیراق پشووه‌.

به‌پێی خشته‌ی پشووه‌كانی هه‌رێمی كوردستان كه‌ له‌لایه‌ن په‌رله‌مانی كوردستانه‌وه‌ ده‌نگی له‌سه‌ر دراوه‌، رۆژی 6ی كانونی دووه‌می هه‌موو ساڵێك كه‌ هاوكاته‌ له‌گه‌ڵ دامه‌زراندنی سوپای عیراق، پشووی ره‌سمی نییه‌ و له‌سه‌رجه‌م داموده‌زگاكانی حكومه‌تی هه‌رێمی كوردستان ده‌وامی ره‌سمییه‌.

به‌ڵام به‌پێی پشووه‌كانی حكومه‌تی عیراق ئه‌و رۆژه‌ پشووی ره‌سمییه‌ و ده‌وام راده‌گیرێت له‌سه‌رجه‌م داموده‌زگاكانی حكومه‌ت.

رۆژی 6ی كانونی دووه‌می ساڵی 1921، سوپای عیراق به‌ره‌سمی وه‌كو دامه‌زراوه‌یه‌كی سه‌ربازیی بۆ پارێزگاریكردن له‌سنوره‌كانی  عیراق دامه‌زراوه‌و ئه‌و رۆژه‌ پشووی ره‌سمییه‌.

PUKMEDIA