سەرۆكی فەڕەنسا داوای دەستپیكردنەوەی گفتوگۆ لەگەڵ روسیا دەكات

رۆیتەرز

ئیمانوێل ماكرۆن، سەرۆكی فەڕەنسا

پاش بڕیارەكەی یەكێتی ئەوروپا بۆ پاڵپشتیكردنی ئۆكرانیا لەسامانە بلۆككراوەكانی روسیا، سەرۆكی فەڕەنسا داوای دۆزینەوەی رێگەچارە بۆ دەستپیكردنەوەی گفتوگۆكان لەگەڵ روسیا دەكات و دەڵێت: گفتوگۆ لەبەرژەوەندی هەموو لایەكدایە.

ئیمانوێل ماكرۆن، سەرۆكی فەڕەنسا رایگەیاند: پێویستە لەچەند رۆژی داهاتوودا، وڵاتانی ئەوروپا رێگەچارەیەك بۆ دووبارە دەستپێكردنەوەی گفتوگۆ لەگەڵ روسیا بدۆزنەوە، چونكە گفتوگۆ لەگەڵ ئەو وڵاتە لەبەرژەوەندی وڵاتانی ئەوروپا و ئۆكرانیادایە.

ئەمەش لەكاتێكدایە، سەرەڕای پابەندبوونی بەردەوامی یەكێتی ئەوروپا بە دابینكردنی پارە و پشتیوانی بۆ ئۆكرانیا، بەڵام یەكێتی ئەوروپا بڕیاریداوە لە دوو ساڵی داهاتوودا، لەپارە بلۆككراوەكانی روسیا، بڕی 90 ملیار یۆرۆ پاڵپستی دارایی ئۆكرانیا بكات .

PUKMEDIA