سوپای ئەمریکا هێرشێکی بەرفراوان دەکاتە سەر پێگەکانی داعش لە سوریا

The Daily star

هێرشى هێزەکانى ئەمریکا بۆ سوریا

سوپای ئەمریکا لەکاردانەوەی هێرشەکەی هەفتەی رابردوو بۆ سەر هێزەکانی، هێرشێکی بەرفراوانی کردووەتە سەر پێگەکانی داعش لە سوریا و بەوتەی بەرپرسانی ئەمریکا، زیاتر لە 70 پێگەیان بۆردوومان کردووە.

کەناڵی فاکس نیوز رایگەیاند: شەڕکەرەکانی ئەمریکا لە بەرەبەیانی ئەمڕۆوە تا ئێستا دەیان هێرشی ئاسمانیان کردووەتە سەر بنکەکانی داعش لە سوریا، زۆربەی هێرشەکان بۆ سەر هومارەکانی تەقەمەنی و بنکەگەلێک بووە، کە وەکوو بنکەی ئۆپراسیۆنی داعش لە ناوچەکە بەکاردەهاتن.

هەفتەی پێشوو واشنتن رایگەیاند، لە کەمینێکی گروپی داعش لە سوریا، دوو سەربازی ئەمریکی و وەرگێڕێکی مەدەنی کوژراون، ترەمپ لە کاردانەوەی ئەم هێرشەدا رایگەیاندبوو، وەڵامی توند و جدییان دەبێت.

پیت هێگێست وەزیری شەڕی ئەمریکا رۆژی شەممە لە دەستپێکی ئۆپراسیۆنێک بە ناوی "چاوی هەڵۆ" لە سوریا هەواڵیدا ئۆپراسیۆنێک کە بە پاگەندەی ناوبراو بە ئامانجی تۆڵە کردنەوە لە هێرشەکەی ئەم دواییە بۆ سەر تەدمەر ئەنجام دەدرێت.

ئاماژەیبەوەشدا: ئەوەی روویدا شەڕ نەبووە، بەڵکو تۆڵەی خۆیان سەندوە لەوانەی بە ئامانجیانگرتن و زیانیان پێگەیاندن و راگەیاندنی تۆڵەسەندنەوەیە، ویلایەتەیەکگرتووەکانی ئەمریکا بە سەرکردایەتی سەرۆک دۆناڵد ترامپ هەرگیز کەمتەرخەمیی لە بەرگریکردنى ئەمەریکا و ئەمەریکییەکان ناکات.

سەبارەت بە شوێنی هێرشەکان، روانگەی مافی مرۆڤی سوری دەڵێت، پێگەکانی داعش لە نزیکی شارەکانی رەقە و دێرەزوور بەئامانج گیراون.

PUKMEDIA