رۆژنامەی شەرق ئەلئەوسەت چۆن باسی رووداوەكەی گوندی لاجان دەكات؟

رۆژنامەی كوردستانی نوێ

رووداوەكەی گوندی لاجان

رۆژنامەی شەرق ئەلئەوسەت رایگەیاند: بەهۆی خۆپیشاندانێكی ناڕەزایی لەدەرەوەی پاڵاوگەی نەوتی لاناز، لەسەر رێگەی باكوری شاری هەولێر، بەتەقەی هێزە ئەمنییەكانی هەرێمی كوردستان لانیكەم دوو كەس كوژراون و سێ كەسی دیكەش برینداربوون.

رۆژنامەكە لەڕاپۆرتێكدا باسی لە گرژییەكان و خۆپیشاندانی خەڵكی ناڕازی گوندی لاجانی سنووری گوێر كردووە و رایگەیاندووە: خۆپیشاندەران داوای هەلی كاریان لە پاڵاوگەكە كردووە، بەڵام لەكاتی ناڕەزایەتییەكاندا، هێزە ئەمنییەكانی پاسەوانی پاڵاوگەكە تەقەیان لێكردوون و لە ئەنجامدا خۆپیشاندەرێك گیانی لەدەستداوە، هاوكات شۆفێری بارهەڵگرێكی گواستنەوەی بەرهەمە نەوتییەكانیش كە لەنزیك پاڵاوگەكە بووە گیانی لەدەستداوە.

دوێنێ شەممە 29ی 11ی 2025، لە گوندی لاجان-ی نزیك گوێر لە سنووری پارێزگای هەولێر، شەڕ لە نێوان خەڵكی ناڕازیی و هێزە ئەمنییەكان روویدا ژمارەیەك قوربانی لێكەوتەوە، دواتریش هێزێكی زۆری ئەمنی رەوانەی ناوچەكە كرا.

PUKMEDIA