خۆپیشاندانەکەی هەولێر بریندار و کوژراوی لێدەکەوێتەوە

PUKMEDIA

شەڕ و ئاڵۆزییەکانی نێوان هێزە ئەمنییەکانی هەولێر و خەڵکی گوندی لاجان

کەمێک پێش ئێستا لە گوندی لاجانی سەر بە پارێزگای هەولێر خۆپیشاندان ئەنجامدرا و بەوهۆیەشەوە زیاتر لە 10 کەس برینداربوون و یەک کەسیش کوژرا.

بەپێی زانیارییەکانی PUKMEDIA کەمێک پێش ئێستا لە گوندی لاجان کە دەکەوێتە سەر رێگای نێوان هەولێر-گوێر لەبەردەم کۆمپانیای لاناز لەلایەن خەڵکی ناوچەکەوە خۆپیشاندان ئەنجامدراو هێزە ئەمنییەکانی هەولێر بە چەک رووبەڕویان بوونەوە و بەوهۆیەشەوە گەنجێک کوژراو زیاتر لە 10 کەسیش برینداربوون، هاوکات ژمارەیەک گەنج لەلایەن لەشکری گوڵانەوە دەستگیرکراون.

هاوکات پەیامنێری PUKMEDIA  رایگەیاند:شەڕ و ئاڵۆزییەکانی نێوان هێزە ئەمنییەکانی هەولێر و خەڵکی ناوچەکە  تائێستاش بەردەوامی هەیە.

ئەمەش لەکاتێکدایە، کۆمپانیای لاناز دەکەوێتە رێگای نێوان هەولێر-گوێر و تایبەتە بە بەرهەمە نەوتییەکان، بەهۆی ئەوەشی ژینگەی ناوچەکەی تێکداوە، خەڵکی ناوچەکە لەبەرامبەر ئەوەدا چوونەتە بەردەم کۆمپانیاکە و داوای هەلی کار و دامەزراندیان بۆ گەنجەکانیان کردووە، بەڵام هێزە ئەمنییەکانی کۆمپانیاکە کە هێزێکی پارتی دیموکراتی کوردستانە، بە چەک رووبەڕویان بوونەتەوە و کوژراو و بریندار لە خۆپیشاندەران هەیە.

 PUKMEDIA