قوباد تاڵەبانى:ئەم سەرکەوتنە بەرهەمی هەوڵەکانى هەموو کادران و هەڤاڵان و جەماوەرە

نوسینگەى راگەیاندنى قوباد تاڵەبانى

قوباد تاڵەبانى

قوباد تاڵەبانى لە کۆبوونەوەى لەگەڵ هەڤاڵانی بازنەکانی هەڵبژاردنی پارێزگای هەولێر وێڕاى دەستخۆشى و سوپاس رایگەیاند: لەگەڵیان بەردەوام دەبم بە تایبەتیش بۆ گۆڕانکارییە پێویستەکان و داڕشتنەوەی هەیکەلی رێکخستنەکانی یەکێتی لە سنووری پارێزگای هەولێر، روونیشیکردەوە: ئەم سەرکەوتنە بەرهەمی هەوڵەکانى هەموو کادران و هەڤاڵان و جەماوەرە دڵسۆزەکەیەتى.

قوباد تاڵەبانى سەرپەرشتیارى بازنەى هەولێر ئەمڕۆ پێنجشەممە 13ى11ى2025 لە ئەکاونتى خۆى لە تۆڕى کۆمەڵایەتى فەیسبووک رایگەیاند: لە کۆبوونەوەم لەگەڵ هەڤاڵانی بازنەکانی هەڵبژاردنی پارێزگای هەولێر، سوپاس و دەستخۆشیم لێ کردن لەپای ماندووبوون و هەوڵی بێوچانیان بۆ سەرخستنی لیستی ٢٢٢ی یەکێتیی نیشتمانیی کوردستان.

ئاماژەی بەوەشدا: ئەم سەرکەوتنە بەرهەمی ماندووێتی و هەوڵەکانی هەموو کادران و هەڤاڵان و جەماوەرە دڵسۆزەکەیەتی و یەکێتی هەرگیز خەمخۆری و پەرۆشی هەڤاڵانی خۆی لەبیر ناکات.

ئەوەشى خستەڕوو: دڵنیاشم کردنەوە لەگەڵیان بەردەوام دەبم بە تایبەتیش بۆ گۆڕانکارییە پێویستەکان و داڕشتنەوەی هەیکەلی رێکخستنەکانی یەکێتی لە سنووری پارێزگای هەولێر بەو ئامانجەی بەرەو سەرکەوتن و دەستکەوتی گەورەتر هەنگاوبنێین.

PUKMEDIA