پەیامێک لە ئاسۆ مامەندەوە سەبارەت بە گرژی و ئاڵۆزییەکانی ناحیەی پردێ

PUKMEDIA

ئاسۆ مامەند

ئاسۆ مامەند سەرپەرشتیاری کەرکوک-سەڵاحەدینی یەکێتیی نیشتمانیی کوردستان، لە راگەیەنراوێکدا رایگەیاند: بە لای یەکێتییەوە کەرکوک چەپکە گوڵەکەی سەرۆک مام جەلالە و هەموو لایەک لە ماف و ئەرکدا وەک یەکن، رێگە نادەین برایەتی نێوان پێکهاتەکانی کەرکوک بشێوێنرێت و بۆیە داواکارم هەموان دان بە خۆتانا بگرن و ئارامی بپارێزن.

هەر لە راگەیەنراوەکەدا ئەوە روونکراوەتەوە: ماوەی دوو سێ رۆژە، چەند کەسێکی سەر بە چەند لایەنێکی ناسراو لە شارۆچکەی پردێ لە هەوڵی نانەوەی پیلان و ئاژەوگێڕیدان و دەیانەوێت بە بیانوی جۆراوجۆر دۆخی سەقامگیری سنوورەکە تێکبدەن، لەو سۆنگەیەوە هاووڵاتییانی خۆشەویستی کەرکوک بە تایبەتی خوشک و براکانمان لە پردێ دڵنیا دەکەینەوە، کە رێگە بە هیچ کەس و لایەنێک نادرێت لە ژێر هیچ ناو و ناونیشانێکدا دۆخی ئارامی کەرکوک تێکبدات، بە پێچەوانەوە رێوشوێنی یاسایی لە دژی هەموو ئەو کەس و لایەنانە دەگیرێتەبەر کە بیەوێت هەوڵی پیلانگێڕی یاخود ئاژاوگێڕی بدات لە سنوورەکەدا.

ئاسۆ مامەند سەرپەرشتیاری کەرکوک-سەڵاحەدینی یەکێتیی نیشتمانیی کوردستان، ئەوەشیخستۆتەڕوو: بە لای یەکێتییەوە کەرکوک چەپکە گوڵەکەی سەرۆک مام جەلالە و هەموو لایەک لە ماف و ئەرکدا وەک یەکن، رێگە نادەین برایەتی نێوان پێکهاتەکانی کەرکوک بشێوێنرێت و بۆیە داواکارم هەموان دان بە خۆتانا بگرن و ئارامی بپاریزن.

PUKMEDIA