بەتۆمەتی دزینی 100 هەزار دۆلار 4 تۆمەتبار دەستگیردەکرێن

PUKMEDIA

لۆگۆی ئاسایش

بەرێوەبەرایەتی ئاسایشی پارێزگای سلێمانی بەتۆمەتی دزینی 100 هەزار دۆلار 4 تۆمەتبار دەستگیردەکات.

بەڕێوەبەرایەتی ئاسایشی سلێمانی لە راگەیەندراوێکدا کە کۆپییەکی دەست PUKMEDIA کەوتووە رایگەیاندووە: دوای ئەوەی 4-10-2025 لەیەکێک لە پرۆژەکانی نیشتەجێبوون لە شاری سلێمانی، بڕی 100 هەزار دۆلار لەماڵێک دزرا، دەستبەجێ بەڕێوەبەرایەتی ئاسایشی پارێزگای سلێمانی بەدواداچوونی لەسەر رووداوەکە دەستپێکرد و لەماوەی کەمتر لە 48 سەعاتدا چوار تۆمەتباری ڕووداوەکەی دەستگیرکرد.

ئەوەش هاتووە، لەئێستادا بەبڕیاری دادوەری لێکۆڵینەوەی بەماددەی 443  لەیاسای سزادانی عیراقی راگیراون و لێکۆڵینەوە لە دۆسیەکانیان بەردەوامە.

PUKMEDIA