عەقید سێباستیان: مام جەلال سەركردەیەكی گەورەی نیشتمانیی بوو

سەرۆك جەلال تاڵەبانی

سەردانی عەقید سێباستیان بۆ مەزاری سەرۆك مام جەلال

ئەمڕۆ 16ی 10ی 2025، عەقید سێباستیان كلینك فەرماندەی هێزی سەربازی ئەڵمانیا لە هەرێمی كوردستان و مقدم تۆماس ڤۆڵكەر راوێژكاری كلتوری هێزی سەربازی ئەڵمانیا لە هەرێم، سەردانی مەزاری سەرۆك مام جەلال یان كرد و لە لایەن باڵیۆز د.محەمەد سابیر سەرۆكی دامەزراوەی سەرۆك جەلال تاڵەبانی، یوسف زۆزانی و ئەندامانی مەكتەبی سكرتارییەتی سەرۆك مام جەلال پێشوازیكران.

دوای دانانی تاجەگوڵینەی رێز و وەفا، عەقید سێباستیان لە دەفتەری یادەوەرییەكاندا بەڕێزەوە باسی لە پەیوەندیی بەهێزو لە مێژینەی سەرۆك مام جەلال و دەوڵەتی ئەڵمانیا كرد، فەرماندەی هێزەكانی ئەڵمانیا لە هەرێم بە گرنگییەوە باسی لە رۆڵی مام جەلال كرد وەك سەركردەیەكی گەورەی نیشتمانیی كە هەوڵی زۆریدا بۆ ئاشتی و پێكەوە ژیان لە ناو گەلانی عیراقدا، ئەمەش بە لای ئێمەوە خاڵی سەركەوتن و دیبلۆماسییەتی سەرۆك مام جەلال- ە لە عیراقی نوێدا.

PUKMEDIA