مەکتەبی راگەیاندن و هۆشیاری پاڵپشتی دامەزراوەی ڤیژن دەکات

PUKMEDIA

وەفدی مەکتەبی راگەیاند و هۆشیاری لە سەردانی دامەزراوەی ڤیژن

وه‌فدێكی مه‌كته‌بی راگه‌یاندن و هۆشیاری سه‌ردانی دامه‌زراوه‌ی ڤیژن بۆ لێكۆڵینه‌وه‌ی ستراتیژی-ی كرد و ده‌ستخۆشییان له‌ توێژینه‌وه‌و چالاكییه‌ زانستییه‌كانیان كرد..

 پێش نیوه‌ڕۆی ئه‌مڕۆ 13/10، وه‌فدێكی مه‌كته‌بی راگه‌یاندن و هۆشیاری به‌ سه‌رپه‌رشتیی شوان كابان و د.عه‌داله‌ت عه‌بدوڵڵا یاریده‌ده‌رانی لێپرسراوی مه‌كته‌ب و تانیا كه‌مال لێپرسراوی په‌یوه‌ندییه‌كان و چێنه‌ر نه‌وزاد ره‌ئوف لێپرسراوی كارگێڕیی ئۆفیسی مه‌كته‌ب و ئه‌رده‌ڵان عه‌بدوڵڵا ئه‌ندامی ده‌سته‌ی نوسه‌رانی رۆژنامه‌ی كوردستانی نوێ، سه‌ردانی دامه‌زراوه‌ی ڤیژن بۆ لێكۆڵینه‌وه‌ی ستراتیژییان له‌ شاری سلێمانی كرد و له‌لایه‌ن  عه‌دنان عوسمان به‌ڕێوه‌به‌ری دامه‌زراوه‌ی ڤیژن و ژماره‌یه‌ك له‌ ئه‌ندامانی بۆردی دامه‌زراوه‌كه‌وه‌ پێشوازیی گه‌رمیان لێكرا.

 له‌دیدارێكدا وه‌فده‌كه‌ی مه‌كته‌ب سڵاو و پاڵپشتیی هه‌ڤاڵ عیماد ئه‌حمه‌د لێپرسراوی مه‌كته‌ب و هه‌ردوو بۆردی راگه‌یاندن و هۆشیاریی مه‌كته‌بیان به‌ دامه‌زراوه‌كه‌ گه‌یاند و ده‌ستخۆشیی ئه‌و چالاكییه‌ زانستی و توێژینه‌وانه‌یان لێكردن كه‌ ئه‌نجامیان ده‌ده‌ن و به‌هۆیه‌وه‌ خزمه‌ت به‌ پرۆسه‌كانی چاكسازی ده‌كه‌ن له‌ ژیانی كارگێڕی و ده‌وڵه‌تداریدا، به‌ڵینیشیان به‌ دامه‌زراوه‌كه‌ دا كه‌ له‌ رووی راگه‌یاندن و رووماڵكردنی چالاكییه‌كانیانه‌وه‌ درێغی نه‌كه‌ن، له‌ به‌رامبه‌ردا لێپرسراوی دامه‌زراوه‌ی ڤیژن سوپاسی هه‌ڵوێست و پاڵپشتیی مه‌كته‌بی راگه‌یاندن و هۆشیارییان كردو خۆشحاڵ بوو كه‌ هه‌ماهه‌نگی هه‌بێت بۆ خزمه‌تكردنی هه‌رێمی كوردستان و پڕكردنه‌وه‌ی هه‌ر بۆشاییه‌كی كارو چالاكیی زانستی ‌كه‌ ببێته‌ مایه‌ی به‌ڕێوه‌بردنێكی باشتری كاروباری هه‌رێمه‌كه‌ به‌گشتی و سنوره‌كه‌ به‌تایبه‌تی.

هه‌ر له‌و سه‌ردانه‌دا به‌شه‌ جیاجیاكانی دامه‌زراوه‌كه‌ به‌سه‌ركرایه‌وه‌و چه‌پكه‌ گوڵی پاڵپشتیی مه‌كته‌بی راگه‌یاندن و هۆشیارییش پێشكه‌ش به‌ دامه‌زراوه‌كه‌ كرا.

PUKMEDIA