پارێزگاری کەرکوک: هه‌ڵمه‌تی هه‌ڵبژاردن بكرێتە وێستگەیەک بۆ بونيادنانی داهاتوویه‌كی هاوبه‌ش

ماڵپەڕی پارێزگای کەرکوک

رێبوار تەها پارێزگاری کەرکوک

رێبوار تەها پارێزگاری کەرکوک داوا له‌ هاووڵاتیانی شارەکە ده‌كات بانگەشەى هەڵبژاردن بكه‌ن به‌ ده‌رفه‌تێک بۆ كێبڕكێی شه‌ريفانه‌ و پەیامێکی هۆشيارانه‌ بگەیەنن كه‌ گوزارشت لە هيوا و ئاواتی سه‌رجه‌م پێكهاته‌كانی شارەکە بکات و دەشڵێت:"با ئه‌م هه‌ڵمه‌تی هه‌ڵبژاردن بكه‌ين به‌ وێستگه‌یه‌ک بۆ بونيادنانی داهاتوویه‌كی هاوبه‌ش، كه‌ لێكگه‌يشتن و هاوكاریی تیادا زاڵبێت".

پارێزگاری کەرکوک لە پەیامێکیدا بەبۆنەى دەستپێکردنى بانگەشەى هەڵبژاردنەوە داوای کرد: با ئه‌م هه‌ڵمه‌تی هه‌ڵبژاردن بكه‌ين به‌ وێستگه‌یه‌ک بۆ بونيادنانی داهاتوویه‌كی هاوبه‌ش، كه‌ لێكگه‌يشتن و هاوكاریی تیادا زاڵبێت، ئه‌و ئاشته‌وایی كۆمه‌ڵايه‌تی و ئاسايش و گه‌شه‌سه‌ندنه‌ پته‌و بكات كه‌ به‌ده‌ست هاتووه‌ و كه‌ركوک به‌ره‌و بووژانه‌وه‌يه‌كی ئابووری و پيشه‌سازی و وه‌به‌رهێنان ببات، كۆتایی به‌ ساڵانێک لە قه‌يران و ئاسته‌نگه‌كان بهێنێت.

رێبوار تەها پارێزگاری کەرکوک راشیگەیاندووە" پاراستنی يه‌كڕيزی كۆمه‌ڵايه‌تى و رێزگرتن لە يه‌كدى گرنگە‌، چونكه‌ شكۆی كه‌ركوک بەندە بە‌شكۆی پێكهاته‌کانیەوە و يه‌كڕيزيی نهێنی هێز و سه‌رچاوه‌ی بووژانه‌وه‌ی شارەکەیە.

ئەمەش لەکاتێکدایە، لە  بانگەشەی هەڵبژاردن لە یەكەم چركە ساتی ئەمڕۆ هەینی دەستیپێكرد و لە 9ی تشرینی دووەم واتا 48 سەعات پێش دەنگدانی گشتی ڕادەگیرێت.

PUKMEDIA