لە سلێمانی سێیەمین پیشانگای نێکست ستێپ دەکرێتەوە

Next Step

پێشانگای نێکست ستێپ

لەچەند رۆژی داهاتوودا سێیەمین پێشانگای ”نێکست ستێپ” لە سلێمانی دەکرێتەوە و چاوەڕوان دەکرێت 15 هەزار فێرخواز بەشداری بکەن.

وابڕیارە رۆژی 28ی ئەم مانگە لە هۆڵی بناغەی کارگەی کەلتوری سلێمانی سێیەمین پێشانگای ”نێکست ستێپ” لە ژێر ناوی” نێکست ستێپ هەنگاوی داهاتووی تۆیە” بکرێتەوە و ماوەی سێ رۆژ  بەردەوامی ببێت.

پێشانگاکە رۆژانە لە سەعات 9:00 بەیانی دەکرێتەوە تا سەعات 6:00ی ئێوارە بەردەوام دەبێت و 40 سکۆلەرشیپی تێدا رادەگەیەندرێت و چاوەڕوان دەکرێت 15 هەزار فێرخواز و سەردانیکەر ئامادەیبن، ئامانج لە پیشانگاکەش فراوانکردنی پەروەردە لە ڕێگەی خوێندەواری دیجیتاڵی و تێکەڵکردنی زیرەکی دەستکرد و ئامادەکردنی نەوەی داهاتووە.

ئامانج عەلی، دامەزرێنەری دەستپێشخەری نێکست ستێپ بە PUKMEDIA ی رایگەیاند: نێکست ستێپ زیاترە لە تەنها پێشانگایەک؛ بەڵکو بزووتنەوەیەکی تواناسازی فێرخوازانە و شانازی دەکەین بە دابینکردنی ئەو ئامراز و ڕێنمایی و دەرفەتانەی کە پێویستیان بە خوێندکاران هەیە بۆ بونیاتنانی داهاتوویان.

ساڵی 2023 نێکس ستێپ بووە بۆنەیەکی سەرەکی بۆ دەرچووانی ئامادەیی و داواکارانی کۆلێژ لە سەرانسەری هەرێمی کوردستان و عیراق، هەروەها لە ساڵی 2024دا پێشانگاکە لە خولی دووەمیدا پێشوازی لە زیاتر لە 11 هەزار فێرخواز کرد.

PUKMEDIA