یەکەیەکی تایبەت بە پۆلیسی گەشتیاری دادەمەزرێت

PUKMEDIA

سەیرانگای دووکان

لە هەرێمی كوردستان یەكەیەكی تایبەت بۆ پۆلیسی گەشتیاری دادەمەزرێت و بەڕێوەبەری دەستەی گەشتوگوزارییش هەنگاوەکانی ئاشکرا دەکات.


ئەمەل جەلال بەڕێوەبەری دەستەی گەشتوگوزاری هەرێمی کوردستان رایگەیاند: یەكەیەكی تایبەت بە پۆلیسی گەشتیاری دادەمەزرێت، كە سەرەتا 175 پۆلیسی گەشتیاریی بۆ دادەمەزرێندرێت.

پەیوەست بەوەی پرۆسەکە بەکوێ گەیشتووە، ئەمەل جەلال رایگەیاند: پرۆسەكە گەیشتۆتە قۆناغی كۆتایی و ڕەزامەندی  سەرەتایی بۆ دامەزراندنیان وەرگیراوە، بەڵام رێككەوتنی هەولێر و بەغدا پەیوەست بە جێگیربوونی رێژەی میلاكات گرفتی بۆ دامەزراندنیان دروستكردووە.

سەرۆكی دەستەی گەشتوگوزاری هەرێمی كوردستان دەشڵێت: بەر لە كۆتاییهاتنی ساڵی رابردوو هەوڵدرا یەكەیەكی تایبەت بە پۆلیسی گەشتیاری دروستبكرێت، 175 دەرچووی ئامادەیی و پەیمانگە پیشەییەكانی گەشتوگوزار چاوپێكەوتنیان لەگەڵ كرا و، رەزامەندیی سەرەتایی بۆ دامەزراندنیان وەرگیرا، بەڵام رێككەوتنی هەولێر و بەغدا پەیوەست بە جێگیربوونی رێژەی میلاكات گرفتی بۆ دامەزراندنیان دروستكرد.

دەربارەی ئەرکی پۆلیسی گەشتیاری، ئەمەل جەلال بەڕێوەبەری دەستەی گەشتوگوزاری هەرێمی کوردستان رایگەیاند: پۆلیسی گەشتیاری لە رووی میلاكەوە سەر بەوەزارەتی ناوخۆ دەبێت و كارەكانیان دەستەی گەشتوگوزار دیاریی دەكات و پێكدێت لە چاودێریكردنی ناوچە گەشتیارییەكان، و بەدواداچوون لەگەڵ تیمەكانی پشكنین و پۆلیسی گەشتیاری دەبێتە جێگرەوەی لیژنە جیاوازەكانی ئێستا هەیە.

PUKMEDIA