یەکەم کۆبوونەوە بۆ چاودێریکردنی پرۆسەی ئاشتی بەڕێوەدەچێت

ئاژانسەکانی تورکیا

پەرلەمانی تورکیا

لەچەند رۆژی داهاتوودا، یەکەم کۆبوونەوەی لیژنەیەکی پەرلەمانی کە لە 51 ئەندام پێکدێت و ئەرکی چاودێریکردنی پڕۆسەی ئاشتیی پێسپێردراوە بەڕێوەدەچێت.

نوعمان کورتولموش سەرۆکی پەرلەمانی تورکیا رایگەیاند:" رۆژی سێشەممە 5ی ئابی 2025، یەکەم کۆبوونەوەی لیژنەیەکی پەرلەمانی کە ئەرکی چاودێریکردنی پڕۆسەی ئاشتیی پێسپێردراوە و لە 51 ئەندام کە بەپێی نوێنەرایەتی پەرلەمانی خۆیان دابەشکراون پێکهاتووە و بیرۆکە و چارەسەر بۆ قۆناغی داهاتووی پرۆسەی ئاشتی لە تورکیا دەهاتەڕوو، لە هۆڵی پەرلەمان بەڕێوەدەچێت".

سەرۆکی پەرلەمانی تورکیا لە بەشداریکردنی لە شەشەمین کۆنفرانسی سەرۆکی پەرلەمانە جیهانییەکان، کە لە شاری جنێڤی سویسرا بەڕێوەچوو، هەنگاوە پێشبینیکراوەکەی سەبارەت بە بانگەوازی عەبدوڵا ئۆجەلان بۆ ئاشتی و کۆمەڵگەی دیموکراتی راگەیاند و وتی: "لەگەڵ دانانی چەک، بەرپرسیارێتی دەگوازرێتەوە بۆ پەرلەمانی تورکیا و هێشتا پرۆسەی داماڵینی چەک بەردەوامە".

کورتوڵموش راشیگەیاند:" تورکیا بە ئیرادەی سیاسی و یەکڕیزی کۆمەڵایەتی، لە ژێر ئاڵای یەکگرتوویی و یەکڕیزی، ئەم دەرفەتە مێژووییە دەقۆزێتەوە روونیشیکردەوە، لیژنەکە لەماوەیەکی کورتدا پێشنیازەکان ئامادە دەکات و دەیانخاتە بەردەم پەرلەمان".

لیژنەکە لە نوێنەرانی پارتی داد و گەشەپێدان (ئاکەپە)، پارتی یەکسانی (هەپە)، پارتی دیموکراتی گەلان (هەدەپە)، پارتی گەلی کۆماری (جەهەپە) و پارتی بزووتنەوەی ناسیۆنالیست (مەهەپە) و هەروەها پارتەکانی دیکە لەخۆدەگرێت.

PUKMEDIA