ترەمپ: ماوەی 10 بۆ 12رۆژ دەدەمە پوتن

USA Today

دۆناڵد ترەمپ سەرۆکی ئەمریکا

ترەمپ رایدەگەیەنێت:" تەنها 10 بۆ 12 رۆژ مۆڵەت بە پوتن دەدەم بۆ کۆتایهێنان بە شەڕی ئۆکراین".

ئەمڕۆ 28ی7ی2025، دۆناڵد ترەمپ سەرۆکی ئەمریکا لەلێدوانێکی رۆژنامەوانیدا، کە لەسکۆتلەندا ئەنجامیدا رایگەیاند:" لە سەرۆکی روسیا بێ ئومێدم و زۆر بێ هیوا بووم لێی، بۆیە ئەو وادەیەی پێشتر بۆ کۆتاییهێنان بە جەنگی ئۆکراین دامنابوو کەمدەکەمەوە".

راشیگەیاند:" لە ئەمڕۆوە 10 بۆ 12 رۆژ دەدەمە پوتن بۆ راگرتنی شەڕ، چیتر پێویست بە چاوەڕوانی ناکات".

راشیگەیاند:"حەز ناکەم جارێکی دیکە قسە لەگەڵ پوتن بکەمەوە و سزای زیاتر بەسەر روسیا دەسەپێنم ئەگەر نەگەنە رێککەوتن". 

ئەمەش لە کاتێکدایە، پێشتر سەرۆکی ئەمریکا ماوەی 50 رۆژی بۆ روسیا دانابوو کە کۆتایی بەشەڕ لەگەڵ ئۆکراین بهێنێت، بەڵام ئەمڕۆ ئەو ماوەیەی کەمکردەوە.

PUKMEDIA