دوو درۆن لە هەولێر كەوتنەخوارەوە

ميدياكان

وێنەی درۆنەكە

دوو درۆن لە ناحیەی رزگاری سەر بە قەزای خەبات و گوندی كەورەسۆر لە پارێزگای هەولێر كەوتنە خوارەوە و هیچ زیانێكی گیانیان نەبووە.

سەعات 05:50 ی بەرەبەیانی ئەمڕۆ دووشەممە 28ی تەممووزی 2025، درۆنێكی بۆمبڕێژكراو لە ناحیەی رزگاری سەر بە قەزای خەباتی پارێزگای هەولێر كەوتە خوارەوە، هیچ زیانێكی گیانیی لێ نەكەوتەوە.

هاوكات بەپێی زانیارییەكانی PUKMEDIA، بەیانی ئەمڕۆ درۆنێكی دیكە لە سنووری گوندی كەورەسۆر لە پارێزگای هەولێر كەوتووەتە خوارەوە و زیانی ماددی و گیانی نەبووە.

ئەمەش لەكاتێكدایە لەسەرەتای ئەم مانگەوە  زیاتر لە 20 هێرشی درۆنی كراونەتە سەر شارە جیاجیاكانی هەرێمی كوردستان، كە بەشێك لەو هێرشانە بۆ سەر كێڵگە نەوتییەكان و بەشێكیشیان بۆ سەر هێزە ئەمنییەكان و فڕۆكەخانەكان بوون. 

PUKMEDIA

وێنەی ئەو درۆنەی لە سنووری گوندی كەورەسۆر كەوتە خوارەوە: