بەتۆمەتی کوشتن دوو تۆمەتبار دەستگیرکران

راگەیاندنی پۆلیسی سلێمانی

دوو تۆمەتبارەکە

بەتۆمەتی کوشتن و بە بڕیاری دادوەری تایبەتمەند، مەفرەزەکانی بەشی پۆلیسی نەهێشتنی تاوانی سەر بە بەڕێوەبەرایەتی پۆلیسی پارێزگای سلێمانی دوو تۆمەتباریان دەستگیرکران.


لەڕاگەیەنراوێکدا کە وێنەیەکی بۆ PUKMEDIA نێردراوە، بەڕێوەبەرایەتی پۆلیسی پارێزگای سلێمانی رایگەیاندووە:"دوای ئەوەی بڕیاری دەستگیرکردنی دوو تۆمەتبار لەلایەن بەڕێوەبەرایەتی پۆلیسی پارێزگای هەولێر گەیشتە بەڕێوەبەرایەتی پۆلیسی پارێزگای سلێمانی تایبەت بە دەستگیرکردنیان کە تۆمەتباربوون بەکوشتن و بەرەو شاری سلێمانی هەڵاتبوون، دەستبەجێ هێزەکانی پۆلیس لێکۆڵینەوەکانیان دەستپێکردو توانرا هەردوو تۆمەتبار دەستگیربکرێن، هاوکات دەستگیرا بەسەر ئوتۆمبێلێک لەجۆری (کیا) کە لەکاتی هەڵاتنیاندا بەتۆمەتباران بووە".

"تۆمەتباران (ف، م، ح لەدایکبووی 1981 - ع، م،ح لەدایکبووی1985) لەئێستادا بەبڕیاری دادوەری تایبەتمەندو بەپێی ماددەی (405) لەیاسای سزادانی عیراقی راگیراون و پاش گرتنەبەری رێککارە یاساییەکان و ئامادەبوونی مەفرەزەیەکی بەڕێوەبەرایەتی پۆلیسی پارێزگای هەولێر، تۆمەتباران رادەستی مەفرەزەکە کرانەوە"، لەڕاگەیەنراوەکەی پۆلیسی سلێمانی-دا هاتووە.


PUKMEDIA