پارێزگاری كه‌ركوك كاسبكاران ده‌گه‌ڕێنێته‌وه‌ شوێنی خۆیان

AFP

ناوبازاڕی شاری کەرکوک

له‌سه‌ر داوای ئه‌ندامێكی ئه‌نجومه‌نی پارێزگاری كه‌ركوك له‌فراكسیۆنی یه‌كێتی، پارێزگاری شاره‌كه‌ ره‌زامه‌ندی ده‌ربڕی كه‌ كاسبكارانی شه‌قامی پزیشكان و بازاڕ‌ی جوتقاوه‌و سه‌ر جسره‌كه‌ بگه‌ڕێنه‌وه‌ سه‌ر كاره‌كانیان له‌شوێنی خۆیان.

د.ئه‌حمه‌د كه‌ركوكی ئه‌ندامی ئه‌نجومه‌نی پارێزگای كه‌ركوك له‌فراكسیۆنی یه‌كێتی بە وێبسایتی رەسمیی یەکێتیی نیشتمانیی کوردستان PUKMEDIA ی راگەیاند:"دوای ئه‌وه‌ی له‌چه‌ند رۆژی رابردوودا به‌هه‌وڵی ئێمه‌ كاسبكارانی شه‌قامی پزیشكان و بازاڕ‌ی جوتقاوه‌ له‌به‌ر ئه‌وه‌ی چه‌ندین ساڵه‌ خاوه‌نی موشته‌ری و به‌رژه‌وه‌ندی خۆیانن تا دوای جه‌ژنی قوربان گه‌ڕ‌ێندرانه‌وه‌ شوێنی خۆیان، هاوکات  پارێزگار بڕیاریدا کاسبکارانی سه‌ر جسره‌كه‌ش بگه‌ڕێنه‌وه‌ شوێنی خۆیان".

راشیگه‌یاند:" له‌گه‌ڵ رێبوار ته‌ها پارێزگاری كه‌ركوك باسمان له‌ژیان و گوزه‌رانی كاسبكاران كردوو، پاشان بڕیاریدا كه‌ كاسبكارانی سه‌ر جسره‌كه‌ش بگه‌ڕ‌ێنه‌وه‌ شوێنی خۆیان تا دوای جه‌ژن كار بكه‌ن و پاشان شوێنی دیكه‌یان بۆ دابین ده‌كرێت".

به‌هۆی رێكخستنه‌وه‌ی ناو بازاڕی كه‌ركوك ماوه‌ی چه‌ند رۆژێك بوو به‌شێك له‌كاسبكاران رێگه‌یان پێنه‌ده‌درا له‌سه‌ر شه‌قامه‌كان كار بكه‌ن، به‌ڵام به‌هۆی نزیكبوونه‌وه‌ی جه‌ژنی قوربان، پارێزگاری كه‌ركوك بڕیاریدا تا دوای چه‌ژن له‌شوێنی خۆیان بمێننه‌وه‌و به‌رده‌وام بن له‌كاره‌كانیان.

PUKMEDIA