تاوە باران و هەورە تریشقە بەردەوام دەبن

PUKMEDIA

کەشو هەوا

كەشناسی رایگەیاند: "تاوە باران و هەورە تریشقە بەردەوام دەبن و لە كاتەكانی شەویشدا ئەگەری لێزمە باران هەیە".

بەڕێوەبەرایەتی گشتی كەشناسی و بومەلەرزەزانی هەرێم، پێشبینییەكانی كەشوهەوای بۆ 48 سەعاتی داهاتوو بڵاوكردەوەو بەپێی پێشبینییەكان، ئەمڕۆ یەك شەممە 04- 05- 2025، ئاسمان نیمچە هەور دەبێت لەگەڵ بارینی تاوە باران و هەورە تریشقە لە كات و شوێنی جیا جیا، لە كاتەكانی شەویشدا لە ناوچەكانی باكووری هەرێم ئەگەری لێزمە باران و هەورە تریشقە هەیە".

راشیگەیاندووە: "پلەكانی گەرما بەراورد بە تۆماركراوەكانی دوێنێ 2 پلەی سیلیزی نزم دەبنەوە، جگە لە پارێزگای دهۆك 2 پلە بەرزتر دەبێتەوە و خێرای با مام ناوەند دەبێت".

هاوكات كەشناسی پێشبینییەكانی كەشوهەوای بۆ سبەی دوو شەممە 05 - 05- 2025 بڵاوكردەوەو رایگەیاند:  "ئاسمان پەڵەهەور و لەناوچەكانی باكوور نیمچە هەور بۆ هەوری تەواو دەبێت، لەگەڵ بارینی نمە باران و هەورە تریشقە بەتایبەت لە ناوچەكانی باكوور و باكووری رۆژهەڵات".

راشیگەیاند: "خێرایی با لە ناوچەكانی رۆژهەڵاتی هەرێم بۆ سەرووی 35كلم/ك چالاك دەبێت لەگەڵ ئەگەری بەرزبوونەوەی تۆزو خۆڵ بە تایبەت لە ناوچەكانی گەرمیان و رۆژهەڵاتی هەرێم".

پلەكانی گەرما لەناوچەكانی هەرێمی كوردستان:

هەولێر : 31  پلەی سیلیزی
سلێمانی : 30 پلەی سیلیزی
دهۆك : 31  پلەی سیلیزی 
كەركوك : 36 پلەی سیلیزی  
زاخۆ  : 31 پلەی سیلیزی
هەڵەبجە : 32 پلەی سیلیزی
سۆران : 29 پلەی سیلیزی
حاجی ئۆمەران : 19 پلەی سیلیزی
گەرمیان :37 پلەی سیلیزی

PUKMEDIA