كەشناسی: كەش ناسەقامگیر دەبێت و تاوەباران و خۆڵ دەبارێت

PUKMEDIA

کەشوهەوا

كەشناسی هەرێم، لەبارەی كەشی سبەینێ هەینییەوە هۆشداریی دەدات و رایدەگەیەنێت: "كەشی هەرێم و عیراق ناسەقامگیر دەبێت و رەشەبا و هەورەتریشقە و تاوەباران و خۆڵ دەبارێت".

بەڕێوەبەرایەتی گشتی كەشناسی و بومەلەرزەزانی هورێم لەڕاگەیەندراوێكدا كە كۆپییەكی دەست  PUKMEDIA كەوتووە رایگەیاندووە: "ئەمڕۆ پێنج شەممە  1- 05- 2025 ، ئاسمان  ساماڵ و پەڵە هەور دەبێت، لەگەڵ ئەگەری بوونی كەمێك تۆزۆ خۆڵ لە كەشدا، خێرایی با مام ناوەند ( 10 – 20  )كم/ك دەبێت و ئاڕاستەی با باشووری خۆرهەڵات، هاوكات مەودای بینین / ( 6 –  7 ) كم دەبێت".

هاوكات كەشناسی كەشی پێشبینیكراوی 48 سەعاتی داهاتووی بڵاوكردەوەو بەپێی پێشبینییەكان، سبەینێ هەینی رێكەوت 2-5-2025، كەشوهەوای ناوچەكەو عیراق بەگشتی و هەرێمی كوردستان بەتایبەتی ناسەقام گیر دەبێت، بەجۆرێك كەشێكی رەشەباو بروسكە و تاوە بارانی پچرپچر دەبێت كە خیرایی با لەكاتەكانی دوایی نیوەرۆ بەرز دەبێتەوە لەهەندی شوێن بۆ سەروی 50 كم/ك وە لەناوچەكانی باشووری هەرێم رێژەی تۆز و خۆڵ زیاتر دەبێت، هەروەها پێشبینی ژمارەیەكی زۆر لەروودانی بروسكە دەكرێت و بۆ كاتەكانی ئێوارە خێرایی با ئاسایی دەبێتەوە.

پلەی گەرمی پێشبینیكراو بۆ ئەمڕۆ:


هەولێر : 34  پلەی سیلیزی

سلێمانی : 29 پلەی سیلیزی

دهۆك : 29  پلەی سیلیزی

كەركوك : 36 پلەی سیلیزی 

زاخۆ  : 28 پلەی سیلیزی

هەڵەبجە : 30 پلەی سیلیزی

سۆران : 24 پلەی سیلیزی

حاجی ئۆمەران : 19 پلەی سیلیزی

گەرمیان :36 پلەی سیلیزی 

PUKMEDIA