لە تاران گەردەلول و خۆڵبارینێکى چڕ هەیە

ئاژانسەکان

خۆڵبارین

لە تارانى پایتەختى ئێران گەردەلول و خۆڵبارینێکى چڕ هەیە، و بەهۆیەوە دۆخى تەندروستى چەندین کەس تێکچووە و  فریاکەوتنی تاران رایگەیاند:" 12کەس هەر لە شوێنەکانی خۆیان فریاگوزاری خێرایان بۆ کراوە و 29 کەسی دیکەش رەوانەی نەخۆشخانەی ناوچەکانی خۆیان کراون".

ئەمڕۆ دووشەممە 28ی4ی2025 بە پێى هەواڵى میدیاکانى ئێران دوێنێ شەو لە پارێزگای تاران گەردەلول و خۆڵبارینێکی چڕ هەلیکردووە و بەهۆیەوە 2  کەس گیانیان لەدەستداوە و 41 کەسیش دۆخی تەندروستییان تێکچووە رەوانەی نەخۆشخانە کراون.

هاوکات فریاکەوتنی تاران ئاماژەی بەوەکردووە:" ئەوانەی گیانیان لەدەستداوە ژنێکی تەمەن  60 ساڵ و مێردمندالێکی تەمەن 15 ساڵ بوون" .

  راشیگەیاند:" 12کەس هەر لە شوێنەکانی خۆیان فریاگوزاری خێرایان بۆ کراوە و 29 کەسی دیکەش رەوانەی نەخۆشخانەی ناوچەکانی خۆیان کراون".

 خێرایی خۆڵبارینەکە 110 کیلۆمەتر لە سەعاتێکدابووە، بەهۆیەوە کارەبای نزیکەی 50 هەزار ماڵ و هێڵەکانی ئینتەرنێت پچڕاوە، بەهۆیەوە چەندین گەشتی فڕۆکەش دواخراون.

PUKMEDIA