وەفدێكی یەكێتی بۆ بەشداریكردن لەكۆنفڕانسی یەكڕیزی هەڵوێستی كوردی لەڕۆژئاوایە

PUKMEDIA

لۆگۆی یەکێتیی نیشتمانیی کوردستان

ئەمڕۆ  كۆنفرانسی یەكڕیزی و یەكهەڵوێستی كورد لە رۆژئاوای كوردستان لە قامیشلۆ بەڕێوەدەچێت و  400 كەس لە باكوور، باشوور، رۆژهەڵات و رۆژئاوا بەشداری دەكەن، هاوكات وەفدێكی یەكێتی بۆ بەشداریكردن لەكۆنفڕانسەكەو هاوكاری و پتەوكردنی یەكڕیزی و یەك هەڵوێستی كورد و سەرخستنی پڕۆسەی دیالۆگ و دانوستانی كورد لەگەڵ دیمەشق لەڕۆژئاوایە.

وەفدی یەكێتی بە سەرۆكایەتی ئەمین بابە شێخ و بەئەندامێتی سالار سەرحەد لەڕۆژئاوان و بەشداری لە كۆنفڕانسی یەكڕیزیی هەڵوێستی كوردی دەكەن لە رۆژئاوای كوردستان و هەڵوێستی رەسمی یەكێتیی نیشتمانیی كوردستان لە كۆنفرانسەكەدا دەخەنەڕوو.

هاوكات وەفدی یەكێتیی نشتیمانیی كوردستان لەڕۆژئاڤای كوردستان لەگەڵ مەزڵوم عەبدی، فەرماندەی گشتی هێزەكانی سوریای دیموكرات كۆبووە وە و پشتیوانی یەكێتیان دووپاتكردەوە كەهاوكار دەبێت بۆ پتەوكردنی یەكڕیزی و یەك هەڵوێستی كورد لەڕۆژئاوای كوردستان بە تایبەت بۆ سەرخستنی پڕۆسەی دیالۆگ و دانوستانی كورد لەگەڵ دیمەشق لەم قۆناغەدا.

پێشتریش، لیژنەی ئامادەكاری كۆنفڕانسی رۆژاڤا رایگەیاندبوو، سەعات 10:00ی پێشنیوەڕۆی ئەمڕۆ شەممە 26/4/2025،  كۆنفڕانسی كوردان لە رۆژاڤای كوردستان  سازدەكرێت كە ساڵانێكە كاری بۆ دەكرێت و نوێنەری  سەرجەم پارتەكانی كوردستان، ڕێكخراوەكانی ژنان و گەنجان، كەسایەتییەكان، ڕۆشنبیران، هونەرمەندان و نوێنەرانی ئاینییەكانی رۆژاڤای كوردستان، كەسایەتییە كوردستانییەكانی شارەكانی شام، حەلەب، حەما، باب و ئەعزاز،  بەشداری كۆنفڕانسەكە دەكەن، هاوكات نزیكەی 60 كەناڵ و دامەزراوەی میدیایی و 200 رۆژنامەنوس و میدیاكار چاودێری و روماڵ دەكەن، بەپێی زانیارییە سەرەتاییەكان، 13 خاڵەكەی رێكەوتنی ئەنەكەسە و پەیەدە لە خاڵە سەرەكییەكانی كۆنفرانسەكە دەبن.

PUKMEDIA