پێشبینی هەورە تریشقە و تاوە باران دەكرێت

PUKMEDIA

بارانبارین

كەشناسی رایدەگەیەنێت: "نمەباران و بارانی مامناوەند بە پچڕپچڕی دەبارێت و لە هەندێك كات و ناوچە دەگۆڕێت بۆ هەورە تریشقە و تاوە بارانی كورت خایەن".

بەڕێوەبەرایەتی كەشناسی و بومەلەرزەزانی هەرێم، پێشبینییەكانی كەشوهەوای بۆ ئەمڕۆ شەممە  26-04-2025 بڵاوكردەوەو بەپێی پێشبینییەكان، ئاسمان نیمچە هەور بۆ هەوری تەواو دەبێت و لە كاتەكانی دوای نیوەڕۆوە نمەباران و بارانی مامناوەند بە پچڕپچڕی دەبارێت، پاشان رێژەی دابارین زیاد دەكات، بەشێوەیەك لە هەندێك كات و ناوچە دەگۆڕێت بۆ هەورە تریشقە و تاوە بارانی كورت خایەن بە تایبەت لە سنووری ئیدارەی سۆران و راپەڕین".

كەشناسی راشیگەیاندووە: "لە بەرەبەیانی رۆژی یەك شەممە كەشەكە ئاسایی دەبێتەوەو كاریگەری باران بارین نامێنێت، خێرایی با لەسەرخۆ بۆ مامناوەند دەبێت و لەنێوان  10 – 20  كم/ك ئاڕاستەی با /لە گۆڕاندایەو پلەكانی گەرما / بە نزیكی 1 تا 2 پلە نزمتر دەبێت بەراورد بە دوێنێ هاوكات مەودای بینین / ( 6 – 9 )  كم  دەبێت".
 بەپێی پێشبینییەكانی كەشناسی پلەكانی گەرما لەناوچەكانی هەرێم بۆ ئەمڕۆ بەمشێوەیە دەبێت:

هەولێر : 30  پلەی سیلیزی
سلێمانی : 28 پلەی سیلیزی
دهۆك : 28  پلەی سیلیزی 
كەركوك : 33 پلەی سیلیزی  
زاخۆ  : 29 پلەی سیلیزی
هەڵەبجە : 28 پلەی سیلیزی
سۆران : 26 پلەی سیلیزی
حاجی ئۆمەران : 18 پلەی سیلیزی
گەرمیان :36 پلەی سیلیزی

PUKMEDIA