قوباد تاڵەبانی دەبێتە سەرۆكی فەخری یانەی وەرزشی سلێمانی

پەڕەی تایبەتی قوباد تاڵەبانی

قوباد تاڵەبانی لەگەڵ سەرۆك و ئەندامانی دەستەی كارگێڕی یانەی وەرزشی سلێمانی

قوباد تاڵەبانی بەسەرۆكی فەخری یانەی وەرزشی سلێمانی دەستنیشانكراو رایدەگەیەنێت: "یانەی سلێمانی یانەی دایكەو دەبێت پێگەی شیاوی خۆی بۆ بگەڕێتەوە، بۆ ئەو مەبەستەش پلانێكی تۆكمە بۆ پێنج ساڵی داهاتووی یانەكە ئامادەدەكەین و دەیگەڕێنینەوە بۆ ئەو ئاستەی كەشایستەی ناوبانگ و مێژووە پڕشنگدارەكەیەتی". 

قوباد تاڵەبانی لەپەڕەی تایبەتی خۆی نوسیویەتی: "مێژووی وەرزش لەسلێمانی بە یانەی وەرزشیی سلێمانییەوە گرێ دراوەو چەندین نەوەی خەڵكی سلێمانی بیرەوەرییان لەگەڵ ئەم یانەیەدا هەیە، یانەی سلێمانی یانەی دایكەو دەبێت لەم قۆناغەدا شوێن و پێگەی شیاوی خۆی بۆ بگەڕێتەوە".

دەشڵێت: "لەگەڵ سەرۆك و ئەندامانی دەستەی كارگێڕی یانەكە كۆبوومەوە، گفتوگۆی تێروتەسەلمان كرد لەبارەی چۆنییەتی بووژانەوەو گەشەپێدانی یانەكە، كە لەئێستادا خاوەنی چەندین تیپە لەبوارە جیاوازە وەرزشییەكاندا". 

قوباد تاڵەبانی ئەوەشی نوسیوە: "بەشانازییەوە بەندەیان وەك سەرۆكی فەخری یانەكە دەستنیشان كردو بڕیارماندا لە ماوەیەكی كورتدا پلانێكی تۆكمە بۆ پێنج ساڵی داهاتووی یانەكە ئامادەبكرێت تا بە هەوڵ و هیمەتی هەموو لایەكمانەوە یانەی سلێمانی بگەیەنینەوە ئەو ئاستەی كە شایستەی ناوبانگ و مێژووە پڕشنگدارەكەیەتی". 

PUKMEDIA