ئه‌ندامێكی ئه‌نجومه‌نی نوێنه‌ران: كه‌ركوك گۆڕانكاری زۆری به‌خۆیه‌وه‌ بینیوه‌

ئاژانسەکان

شەقامێکی کەرکوک

لە ماوەیەکی کەمدا ئیدارەی ئێستای کەرکوک زۆرترین خزمەتگوزاری پێشکەش بە پارێزگاکە کردووە و ئەندامێکی پەرلەمانی عیراقیش دەڵێت:" به‌هه‌وڵی پارێزگاری كه‌ركوك فراكسیۆنی یه‌كێتی له‌ئه‌نجومه‌نی پارێزگای كه‌ركوك گۆڕانكاری ته‌واو له‌بواری سیاسی و كۆمه‌ڵایه‌تی و خزمه‌ت و پێكه‌وه‌ژیان و ئه‌منی شاره‌كه‌ كراوه".

سه‌باح شێخ حه‌بیب ئه‌ندامی ئه‌نجومه‌نی نوێنه‌رانی عیراق له‌فراكسیۆنی یه‌كێتی به‌ ده‌نگی گه‌لی كوردستانی راگه‌یاند:"له‌ماوه‌ی حه‌وت مانگی رابردوودا پارێزگای كه‌ركوك و ئیداره‌ی نوێی شاره‌كه‌ خزمه‌تی زۆری له‌ بواری ئه‌منی و پرۆژه‌كان و خزمه‌تگوزاری پێشكه‌ش به‌ كه‌ركوكییه‌كان كردوه‌".

" ئیداری نوێی كه‌ركوك به‌سه‌رۆكایه‌تی رێبوار ته‌ها بێ جیاوازی خزمه‌تی سه‌رجه‌م پێكهاته‌كان ده‌كات و پارێزگاری كه‌ركوك وه‌ك چۆن سه‌ردانی گه‌ڕه‌گه‌ كورده‌كان ده‌كات، سه‌ردانی گه‌ڕه‌كه‌ عه‌ره‌ب و توركماننشینه‌كانیش ده‌كات و خزمه‌تگوزارییان پێشكه‌ش ده‌كات"، سه‌باح شێخ حه‌بیب واده‌ڵێت.

راشیگه‌یاند:" له‌ رابردوودا پارێزگاری كه‌ركوك له‌گه‌ڵ ئه‌وه‌ی له‌رووی داراییه‌وه‌ پاره‌یه‌كی زۆری له‌به‌ر ده‌ست بوو، بۆ خزمه‌تی خه‌ڵكی كه‌ركوك خه‌رجی نه‌ده‌كردو ئه‌گه‌ر بۆ شاره‌كه‌ش خه‌رجی بكردایه‌ جیاوازی له‌نێوان گه‌ڕه‌كه‌ كورد نیشینه‌كان و عه‌ره‌ب نشینه‌كان دروستكردبوو"

ئه‌وه‌شی خسته‌ڕوو:" به‌هه‌وڵی پارێزگاری كه‌ركوك فراكسیۆنی یه‌كێتی له‌ئه‌نجومه‌نی پارێزگای كه‌ركوك گۆڕانكاری ته‌واو له‌بواری سیاسی و كۆمه‌ڵایه‌تی و خزمه‌ت و پێكه‌وه‌ژیان و ئه‌منی شاره‌كه‌ كراوه‌و ئه‌وه‌ش كه‌ركوكییه‌كانی دڵخۆش كردوه‌و پێزانیانیان بۆ پارێزگاره‌ كورده‌كه‌ هه‌یه‌".

ڕۆژی 10ـی 8ـی 2024، رێبوار تەها سەرۆکی هاوپەیمانی کەرکوک هێز و ئیرادەمانە لە پشکی کورد وەک پارێزگاری کەرکوک هەڵبژێردرا، کە هاوپەیمانییەکە لەهەڵبژاردنی ئەنجومەنی پارێزگاکانی عیراق زۆرترین دەنگی لەسەر ئاستی پارێزگای کەرکوک بەدەست هێنا و هێزی یەکەمی هەموو پێکهاتەکان بوو کە خاوەنی 157 هەزار و 639 دەنگە، کە دەکاتە 43٪ دەنگەکانی ئەو پارێزگایەو 5 کورسی بەدەستهێنا.


PUKMEDIA