دوو کەس بەتۆمەتی تیرۆریستی لەسلێمانی دەستگیردەکرێن

PUKMEDIA

لۆگۆی دەزگای ئاسایش

بەرێوەبەرایەتی گشتی ئۆپراسیۆنەکانی ئاسایش، لەدوو ئۆپراسیۆنی سەرکەوتوودا، لەدەوروبەری سلێمانی توانیان( ٢ )تیرۆریستی داعش دەستگیربکەن.

 لەڕاگەیەندراوێکی دەزگای ئاسایش-دا کە و وێنەیەکی بۆ PUKMEDIA نێردراوە هاتووە:"لەماوەی ١٢ تا ١٦ی ٢٠٢٥/٢ بەڕێوەبەرایەتی گشتی ئۆپراسیۆنەکانی ئاسایش، لەسەر بنەمای زانیاری هەواڵگری و بەبڕیاری دادوەری لێکۆڵینەوەی ئاسایش، دوای بەدواداچوون و کۆکردنەوەی زانیاری وورد و دەستنیشانکردنی شوێنی تیرۆریستان توانیان ٢ تیرۆریستی داعش لەدەوروبەری شاری سلێمانی دەستگیربکەن".

"تیرۆریستان بەمەبەستی خۆڕێکخستنەوە ڕوویان لەدەوروبەری شاری سلێمانی کردبوو، لەڕابردوودا چەندین خولی شەرعی و سەربازیان بینیوە"، لەڕاگەیەنراوەکەدا هاتووە.

هەر لەڕاگەیەنراوەکەدا دەزگای ئاسایش ئەوەشی راگەیاندووە:"لەئێستادا تۆمەتباران بەماددەی (٢)ی تیرۆر راگیراون و ڕووبەڕوی یاساکرانەوە و لێکۆڵینەوە لە دۆسیەکانیان بەردەوامە".

PUKMEDIA