هەولێرو بەغدا تیمێکی هاوبەشی دارایی پێکدەهێنن

PUKMEDIA

لۆگۆی حكومەتی عیراق و حكومەتی هەرێم

هەولێرو بەغدا لیژنەیەک بۆ پرسی مووچە پێکدەهێنن و لەسبەینێوە تیمەکە دەستبەکار دەبێت.

وەزارەتی دارایی و ئابووری لەڕاگەیەندراوێکدا کە کۆپیەکی دەست PUKMEDIA کەوتووە ئاماژە بۆ ئەوە دەکات:" لە کۆبوونەوەی وەفدی حکومەتی هەرێم و حکومەتی فیدراڵ، بڕیاردرا تیمێکی هاوبەش لە هەردوو وەزارەتی دارایی فیدراڵ و وەزارەتی دارایی هەرێم پێکبهێنرێت".

بەپێی ڕاگەیەنراوەکە: " لە سبەی سێشەممەوە، تیمەکە لە وەزارەتی دارایی هەرێمی کوردستان دەستبەکاردەبن و ئامادەکاریی پێویست دەکەن بۆ کۆبوونەوەی سەرەتای هەفتەی داهاتوو لەسەر ئەرک و پابەندییەکانی هەردوولا بۆ ساڵی 2025."

ئەمەش لەكاتێكدایە، ئەمڕۆ 20-1-2025، تیمێكی وەزارەتی دارایی حكومەتی هەرێمی كوردستان بۆ چارەسەركردنی كێشەو گرفتە داراییەكانی نێوان هەرێم و عیراق، سەردانی بەغدای كردو لەئێستاشدا تیمەكە گەڕاوەتەوە بۆ هەرێمی كوردستان، بڕیاریشە سبەینێ ئەو تیمە هاوبەشە كە لەهەردوو وەزارەتی دارایی فیدراڵ و وەزارەتی دارایی هەرێم پێكهاتووە سبەینێ دەستبەكار بێت.

PUKMEDIA