بە تۆمەتی دزینی پارەو ئاڵتون دوو تۆمەتبار دەستگیركران

PUKMEDIA

پارە و ئاڵتونی دزراو

پۆلیسی سلێمانی رایدەگەیەنێت:"لەلایەن مەفرەزەكانی نوسینگەی نەهێشتنی تاوانی كوردساتەوە دوو تۆمەتبارمان دەستگیرکردووە کە بڕێک پارە و ئاڵتونیان دزیوە".

لەراگەیەنراوێکدا کە وێنەیەکی بۆ PUKMEDIA نێردراوە پۆلیسی سلێمانی رایگەیاندووە:" لەسەر سكاڵای دوو هاووڵاتی كە لەیەكێك لە پڕۆژە نیشتەجێبوونەكانی سلێمانی پارەو ئاڵتونیان لێدزراوە، هێزەكانی پۆلیس لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری دادوەر توانرا تۆمەتباران بدۆزرێنەوەو دەستگیربكرێن".

"هاوکات لە كاتی دەستگیركردنیشیاندا دەستگیرا بەسەر بڕێك دۆلار و ئاڵتوندا"، لەڕاگەیەنراوەکەدا هاتووە.

لە ئێستادا هەریەك لە تۆمەتباران (أ، ع، ع لەدایكبووی 2003 - أ، ع، ع لەدایكبووی 2006 ) بەبڕیاری بەڕێز دادوەرو بەپێی ماددەی 443 لەیاسای سزادانی عیراقی راگیراون.

PUKMEDIA