رێبوار تەها: حکومەتی کەرکوک بە ئیرادەیەکی نیشتمانی دروستبووە

پەڕەی تایبەتی پارێزگاری کەرکوک

پارێزگاری کەرکوک و نێردەی نەتەوە یەکگرتووەکان

پارێزگاری کەرکوک لە بینای پارێزگا پێشوازی کرد لە نێردەی نەتەوە یەکگرتووەکان لە کەرکوک و جەختیان کردەوە لە گرنگیدان بە پێکەوە ژیان و دەستەبەرکردنی ئاسایش و ئارامی لە شارەکە.

رێبوار تەها پارێزگاری کەرکوک لەمیانەی کۆبونەوەکەدا راگەیاند: "حکومەتی کەرکوک بە ئیرادەیەکی نیشتمانی پێکهێنراوەو کاری لە پێشینەمان تۆکمە کردنی پێکەوەژیان و خزمەتگوزارییە لەم شارە، ئێمە ئەنجومەنێکمان بۆ پێکەوەژیان هێنایە کایەوە لەپێناو کارکردن بۆ نەخشەکێشانی چارەسەر و ڕێگایەک بۆ پێکەوەژیان کە کەرکوک و پێگەی تۆکمەتر بکات و لە خەمی پێکهاتەکاندا بێت".

جەختی کردەوە: "لە گرنکی ڕۆڵ و پشتیوانی ڕێکخراوە نێودەوڵەتییەکان لە ئاوەدانکردنەوەی ناوچە ئازادکراوەکان و گەڕانەوەی ئاوارەکان، لە ژێر ڕۆشنایی وردبینی و پشتیوانی حکومەتی فیدراڵی".

هاوکات بەڕێوەبەری ئۆفیسی نێردەی نەتەوە یەکگرتووەکان بۆ هاوکاری عێراق (یونامی) لە کەرکوک جەختی لەسەر پەرۆشی پشتگیریکردنی گفتوگۆکە و پشتگیریکردن لە هەوڵەکانی ئیدارە لە ئەنجامدانی ئەرکەکانی کردەوەو پاڵپشتی خۆشیان بۆ کارەکانی نوێنەرایەتی و ڕێکخراوەکان بەمەبەستی بەرزکردنەوەی چالاکییەکانی لە کەرکوک راگەیاند.

نێردەی نەتەوە یەکگرتووەکان لە کەرکوک، پیرۆزبایی لە پارێزگاری کەرکوک، کرد بۆ دەست بەکاربوونی و پشتیوانی خۆی بۆ ئیدارەی کەرکوک دووپات کردەوەو لە میانەی دیدارەکەدا ئاسۆی هاریکاری نێوان ئیدارەی کەرکوک و نەتەوە یەکگرتووەکان لە ژێر ڕۆشنایی وردبینی و ئاراستەکانی حکومەتی فیدراڵی تاوتوێ کرا.

PUKMEDIA