ستران عەبدوڵڵا: هەموو كەسێك بەدەنگدانی مردووی گۆڕستانەكان رازی نیيە

PUKMEDIA

ستران عەبدوڵڵا

ستران عەبدوڵڵا ئەندامی سەركردایەتی یەكێتیی نیشتمانیی كوردستان لەوتارێكیدا كە لەبەشی بیروڕای وێبسایتی PUKMEDIA دا بڵاوكراوەتەوە دەڵێت: "بە جددی باوەڕمان بە دیموكراسیی و سندوقە عاجباتییەكەی هەڵبژاردن هەیە و پێمان وایە ئەمە رێگای شێنەییە بۆ راستكردنەوە و رادەستكردن و وەرگرتنەوە لەم وڵاتەدا، یەكێتی رەوتێكی سیاسیی جددی و بەرپرس و دەربەستەو حەیفی پێدێ كۆمسیۆن ئەم هەموو پارەو خەرجییە بكەن،  كەچی سەرەنجام خەریتەی سیاسیی وەكو خۆی بمێنێتەوەو ( مای باردەكە) هەر ئاوی ساردەكەی جاران بێت".

دەشڵێت: "مەرج نییە هەموو كەسێك بەدەنگدانی مردووی گۆڕستانەكان رازی بێت، خوا لەقورئان و لەناوچەوان نەینووسیووە تا دونیا دونیایە حوكمڕانییەكە ئەوهایە، ئێمە بە جددیمانەو (یەك بست) لەو خەون و خەیاڵ و خەباتە نایەینە خوارەوە، باوەڕمان بە میللەتەكەمان هەیە كە دێتە مەیدانی راستكردنەوەو سەوز پایەدار دەكاتەوە".

راشیدەگەیەنێت: "ئێمە بە جددییمانەو بەو ئیرادەوە دێینە كایەوە. رێڕەوەكە راستدەكەینەوەو هەر لەئێستاشەوە، هەر بەجۆشی دیموكراسی باڵانسەكەمان هاوسەنگ كردووەتەوە، چی بۆ كوردستان باشە بۆ یەكێتی باشەو چیش بۆ یەكێتی گونجاوە لەگەڵ میللەتەكەمان بەشی ناكەین،  گشتی با بۆ میللەتەكەمان بێت".

PUKMEDIA