ژماره‌یه‌كی نوێی گۆڤاری زانكۆ مه‌گه‌زین بڵاوكرایه‌وه‌

PUKMEDIA

بەرگی گۆڤاری زانکۆ

ژماره‌ (١٥ و ١٦)ی زانكۆمه‌گه‌زین له‌دووتوێی یه‌ك به‌رگدا كه‌  (١٦٠) لاپه‌ڕ‌ه‌ له‌خۆده‌گرێت، كه‌وته‌ به‌ر دیده‌ی خوێنه‌ران.

زانكۆ مه‌گه‌زین، گۆڤارێكی گشتی وه‌رزییه‌، سه‌رۆكایه‌تی زانكۆی سلێمانی ده‌ریده‌كات، كه‌ خاوه‌ن ئیمتیاز ( پ.د.كۆسار محه‌مه‌د عه‌لی ) و سه‌رنووسه‌ر ( د. یاسین ڕ‌ه‌شید )ه‌ .

له‌ ژماره‌ ١٥ و ١٦ ی ئایاری ساڵی ٢٠٢٤ ی گۆڤاری زانكۆ مه‌گه‌زیندا كه‌ له‌لایه‌ن سه‌رۆكایه‌تی زانكۆی سلێمانییه‌وه‌ ده‌رده‌چێت رووماڵی گرنگترین چالاكییه‌ زانستی و كلتوری و هونه‌ری و كۆمه‌ڵایه‌تی و ته‌ندروستی و وه‌رزشییه‌كانی سه‌رۆكایه‌تی زانكۆ و كۆلێج و سه‌نته‌ره‌كانی سه‌ر به‌زانكۆی سلێمانی تێداكراوه‌.

هاوكات هه‌ر له‌گۆڤاره‌كه‌دا هه‌واڵه‌كانی په‌یوه‌ست به‌ئاستی ڕ‌انكینی زانكۆو سه‌رجه‌م كۆنفرانسه‌ زانستی و رۆشنبیرییه‌كان و پانێڵ و سیمپۆزیۆم و فێستیڤاڵ و كارو چالاكییه‌كانی زانكۆی سلێمانی به‌شێوه‌ی هه‌واڵ و راپۆرت و به‌ دیزاینێكی سه‌رنجڕ‌اكێش پێشكه‌ش به‌خوێنه‌ران كراوه‌، ئه‌مه‌ جگه‌ له‌وه‌ی وتارێكی گرنگ و بایه‌خداری سه‌رۆكی زانكۆ به‌ناوی( زانكۆ له‌ چێوه‌ی سه‌ربه‌خۆبوونیدا) بڵاوكراوه‌ته‌وه‌و چه‌ند وتارێكی مامۆستایانی زانكۆ تایبه‌ت به‌پرۆسه‌ی خوێندن و بواری خوێندنی باڵا و خوێندنه‌وه‌و ناساندنی كتێبی چاپكراوی نوێی زانكۆو پوخته‌ی توێژینه‌وه‌ی زانستی و ناساندنی كۆلێج و به‌شه‌كانی زانكۆ و پرۆفایلی پسپۆڕ‌ێكی زانكۆو لاپه‌ڕ‌ه‌ی وه‌رزش و ئه‌رشیفی مێژووی دامه‌زراندنی زانكۆ و چه‌ندین راپۆرت و دیدارو بابه‌تی هه‌مه‌ره‌نگی زانستی له‌خۆگرتووه‌.

PUKMEDIA