سەرۆکی فراکسیۆنی یەکێتی: ئەنجومەنی پارێزگای کەرکوک بۆ خزمەتی خەڵکە

PUKMEDIA

ئەندامانی ئەنجومەنی پارێزگای کەرکوک

سەرۆکی فراکسیۆنی یەکێتی لە ئەنجومەنی پارێزگای کەرکوک لەبارەی کۆبونەوەی ئەمڕۆی ئەنجومەنەکەوە رایگەیاند: "دەمانەوێت حکومڕانییەک لەکەرکوک پێکبهێنرێت بۆ خزمەتکردنی خەڵکی شارەکە و هەموو لایەنەکان تێیدا بەشدار بن".

رێبوار تەها سەرۆکی فراکسیۆنی یەکێتیی نیشتمانیی کوردستان لە ئەنجومەنی پارێزگای کەرکوک لە کۆنفرانسێکی رۆژنامەوانیدا رایگەیاند: "دەمانەوێت ئەم دانیشتنە و دانیشتنەکانی داهاتوو ببێتە هۆکاری ئەوەی لە کەرکوک حوکمڕانییەک پێکبهێنرێت بۆ خزمەتکردنی کۆمەڵانی خەڵكی شارەکە و هەموو لایەنەکان بەبێ جیاوازی تێیدا بەشداربن".

"تا ئێستا هیچ رێکەوتنێک لەنێوان لایەنەکان نەکراوەو ئەم دانیشتنە بۆ شەرعییەتدانە بە ئەنجومەن و بۆ پێکهێنانی ئەنجومەنی پارێزگایە"، رێبوار تەها وای وت.

PUKMEDIA