ئاگرێکی دیکە لەهەولێر کەوتەوە و 4 ئۆتۆمبێلی میکسەر سووتان

PUKMEDIA

شوێنی رووداوی ئاگرەکەی ئەمڕۆی هەولێر

ئەمڕۆ 14ی6 ئاگرێکی دیکە لە هەولێرکەوتەوە و 4 ئۆتۆمبێلی میکسەری چیمەنتۆ کەوتەوە, کە ئەمە چوارەمین رووداوی ئاگرکەوتنەوەیە لە سێ رۆژی رابردوودا لەهەولێر روویان داوە.

بەپێی زانیارییەکانی بەرگری شارستانی هەولێر ئاگرەکەی ئەمڕۆ لەسەر رێگەی گەزنە _ هەولێر بووە، شوێنی ئاگرەکە کارگەیەکی ئامادەکراوی چیمەنتۆیە و هیچ زانیاریەک لەبارەی زیانەکانی بەرەسمی رانەگەیەندراوە. جگە لە سووتانی پووش و پەڵاش و لەگەڵ ھەبوونی (٢٠) ئۆتۆمبێلی میكسەر تەنیا ( ٤  ) ئۆتۆمبێلی میکسەر سووتان. 

هاوکات هەر شەوى 12/13ی 6 ، ئاگر لە پاڵاوگەى گوێر لە سنوورى پارێزگاى هەولێر کەوتەوە و  20 سەعات بەردەوامبوو، زیانە ماددییەکانی ئەو رووداوەش بەچەندین ملیۆن دۆلار دەخەمڵیندرێت، لەهەمانکاتدا هەر دوێنێ ئاگر لە سایلۆی کۆنی هەولێر کەوتوەتەوەو شەوی رابردووش ئاگر لەکۆتا نهۆمی باڵەخانەی تولیب لە هەولێر کەوتەوە.

لە شەش مانگی رابردوودا لەسنوری پارێزگای هەولێر نزیکەی ٤٣٠ حاڵەتی ئاگرکەوتنەوە روویانداوە، کە دیارترینیان سوتانی ماڵ و ئۆتۆمبێل و شوێنە گشتییەکان بووە و زۆرترین رووداوی ئاگرکەوتنەوەش لەمانگی نیساندا بووە، کە ١٠٤ حاڵەت بووە، ئەمەش لەکاتێکدایە لەدوێنێوە ئاگر لە پاڵاوگە و کۆگایەکی قیر لە نزیک هەولێر کەوتوەتەوەو پاش ٢٤ سەعات هێزەکانی بەرگری شارستانی هەولێر توانیان ئاگرەکە کۆنترۆڵ بکەن.

PUKMEDIA