دەستبەدابەشکردنی مووچەی هێزە ئەمنییەکان دەکرێت

PUKMEDIA

مووچەی هێزە ئەمنییەکان

دوای زیاتر لە 65 رۆژ ئەمڕۆ 10-6-2024 دەستبە دابەشکردنی مووچەی مانگی نیسانی هێزەکانی پێشمەرگەو دام و دەزگا ئەمنیەکان دەکرێت.

بەپێی راگەیەندراوێکی  وەزارەتی دارایی حکومەتی هەرێمی کوردستان کە کۆپییەکی بۆ PUKMEDIA نێردراوە، تێێدا هاتووە، کەمێک لەمەوبەر بڕی ( ٣٤٤،٨٧٥ ) سێ سەدو چل و چوار ملیارو هەشت سەدو حەفتاو پێنج ملیۆن دینار وەک شایستەی مووچەی مانگی نیسانی هێزەکانی پێشمەرگەو دام و دەزگا ئەمنیەکان لەلایەن بانکی ناوەندی عیراقەوە خرایە سەر هەژماری بانکی وەزارەتی دارایی و ئابوری لەلقی هەولێر.

بەپێی راگەیەندراوەکە ئەمڕۆ دووشەممە ٢٠٢٤/٦/١٠ دەست بەدابەشکردنی مووچەی مانگی نیسانی هێزەکانی پێشمەرگە و دام و دەزگا ئەمنیەکان دەکرێت و لەماوەی دوو رۆژدا مووچەی مانگی نیسانیان پێدەدرێت.

ئەمەش لەکاتێکدایە بەشێک لەمووچەخۆرانی هەرێم مووچەی مانگی ئایاریان وەرگرتوەو چاوەڕواندەکرێت پێش جەژنی قوربان مووچەی سەرجەم فەرمانبەران دابەشبکرێت.       

PUKMEDIA