ئەندامێکی سەرکردایەتی: پێمان باشە پارتی دادگای فیدراڵی بە مەرجەع دەزانن

PUKMEDIA

ستران عەبدوڵڵا ئەندامی سەرکردایەتی یەکێتیی نیشتمانیی کوردستان

پارتی بۆ دواخستنی هەڵبژاردنی پەرلەمانی کوردستان پەنا بۆ دادگای فیدراڵی دەبات و ئەندامێکی سەرکردایەتی یەکێتیش دەڵێت: "پێمان خۆشە پارتی دادگای فیدراڵی دەکەن بە مەرجەع و لەناوو ناتۆرە پەشیمان بونەتەوە".

ستران عەبدوڵلا ئەندامی سەرکردایەتی یەکێتیی نیشتمانیی کوردستان بە وێبسایتی رەسمی یەکێتیی نیشتمانیی کوردستان PUKMEDIA ی رایگەیاند: "ئێمە پێمان خۆشە برادەرانی پارتیش گەیشتونەتە قەناعەتی ئەوەی پەنا بۆ دادگای فیدراڵی بەرن و  لەوێ شکات بکەن".

"ئەگەرچی حەزمان دەکرد کە ئەو شکاتە لە کاری خێردا بکرێت، نەک بە نیازی دواخستنی ئیستحقاقی دیموکراسی هەڵبژاردن بێت،  بەڵام هەر نەیسە و هەر باشە کە دادگای فیدراڵی دەکەن بە مەرجەع و لە قۆناغی ناو و ناتۆرەی دادگای سەورە پەشیمان بونەتەوە"، ستران عەبدوڵڵا وای وت.

PUKMEDIA