كتێبی نووسینەكان لە خاكی كوردستانی نوێ دا بڵاودەكرێتەوە

PUKMEDIA

كتێبی نووسینەكان لە خاكی كوردستانی نوێ دا

كتێبی نووسینەكان لە خاكی كوردستانی نوێ دا، سەرجەم نووسینەكانی سەرۆك مام جەلال-ە كە لە رۆژنامەی كوردستانی نوێ و گۆڤاری خاكدا بڵاوكراونەتەوە و ئەزموونێكی گەورەی سەرۆك مام جەلال-ە لە بواری نووسین و رۆژنامەوانیدا.

ستران عەبدوڵڵا كە خاوەنی بیرۆكەی كتێبەكەیە رایگەیاند: "كتێبی نووسینەكان لە خاكی كوردستانی نوێ دا، بڵاوكراوەی هاوبەشی دامەزراوەی سەرۆك جەلال تاڵەبانی و مەكتەبی راگەیاندنی یەكێتیی نیشتمانیی كوردستانە و سەرجەم ئەو وتار و نووسینانە لە خۆدەگرێت كە پێشتر لە گۆڤاری خاك و كوردستانی نوێ-دا بڵاوكراونەتەوە و كراون بە دوو كتێب، لەگەڵ ژمارەیەكی دیكە لە نووسینەكانیدا كۆكراونەتەوە و كراون بە كتێبی كتێبی نووسینەكان لە خاكی كوردستانی نوێ دا.

راشیگەیاند: "بەشێك لەو نووسینانەی كە لە گۆڤاری خاك-دا بڵاوكراونەتەوە بیرەوەری و یادەوەری سەرۆك مام جەلال خۆیەتی و ئەوەشی لە رۆژنامەی كوردستانی نوێ-دا بڵاوكراونەتەوە یادەوەری و رەخنەی رۆژنامەوانییە و پێویستییەكانی بواری روناكبیری ئاڕاستەی سیاسی تێدایە".

كتێبی (نووسینەكان لە خاكی كوردستانی نوێ دا)، بیرۆكەی ستران عەبدوڵڵایە و هەر خۆشی پێشەكییەكەی بۆ نووسیوە، هەروەها مەریوان مەسعود پێداچوونەوە و  سەرپەرشتی كردووە و بە تیراژی 1000 دانە بەم زوانە لە مەڕاسیمێكی شایستەدا دابەشدەكرێت.

PUKMEDIA