یەکێتیی نیشتمانیی کوردستان و پارتی دیموکراتی کوردستان کۆدەبنەوە

PUKMEDIA

لۆگۆی یەکێتی و پارتی

بڕیارە لە ئایندەیەکی نزیکدا یەکێتیی نیشتمانیی کوردستان لەگەڵ  پارتی دیموکراتی کوردستاندا کۆببێتەوەو گفتوگۆی چەند بابەتێکی گرنگ بکەن.

سەعدی ئەحمەد پیرە وتەبێژی یەکێتیی نیشتمانیی کوردستان لە کۆنگرەیەکی رۆژنامەوانیدا رایگەیاند:" بڕیارە لە ئایندەیەکی نزیکدا یەکێتیی نیشتمانیی کوردستان و پارتی دیموکراتی کوردستان کۆببنەوە".

وتیشی:" تا ئێستا کات و شوێنی کۆبوونەوەکە دیاریی نەکراوە و بۆ  ئەو مەبەستە هەردوولا لەگفتوگۆداین".

پێشتریش نێچیرڤان بارزانی سه‌رۆكی هه‌رێمی كوردستان له‌ كۆنگره‌یه‌كی رۆژنامه‌وانیدا له‌ وه‌ڵامی پرسیاری رۆژنامه‌نوسێكدا له‌فه‌ره‌نساوه‌ له‌باره‌ی یه‌كه‌م كۆبوونه‌وه‌ی یه‌كێتی و پارتی رایگه‌یاندبوو: "له‌م هه‌فته‌یه‌دا یه‌كێتی و پارتی له‌سه‌ر چه‌ند پرسێكی گرنگ كۆده‌بنه‌وه‌".

لەدوای بەستنی پێنجەمین کۆنگرەی یەکێتیی نیشتمانیی کوردستان و لەیەکەم دانیشتنی ئەنجومەنی سەرکردایەتیدا، بافڵ جەلال تاڵەبانی سەرۆکی یەکێتیی نیشتمانیی کوردستان رایگەیاند:" لەگەڵ لایەنەکان پەڕەیەکی نوێ بۆ خزمەتی خەڵک هەڵدەدەینەوە و لەوچوارچێوەیەشدا دەستپێشخەری یەکێتیی نیشتمانیی کوردستانی بۆ سەردانی لایەنەکان راگەیاند و بەپێی زانیارییەکانی PUKMEDIA یەکەم کۆبوونەوەی یەکێتی لەگەڵ پارتی دەبێت و پاشانیش لەگەڵ لایەنەکانی دیکە کۆدەبێتەوە.

PUKMEDIA