ساڵیادی کۆچی دوایی سەرۆک مام جەلال لەسلێمانی دەستپێدەکات

PUKMEDIA

مەزاری مام لە دەباشان

ئەمڕۆ سێ شه‌ممه‌ 3-10-2023 ساڵیادی كۆچی دوایی شکۆی نەتەوەو نیشتمان، سه‌رۆك مام جه‌لال لە سلێمانی لەسەر مەزاری مام دەکرێتەوە، هاوکات دامه‌زراوه‌ی سه‌رۆك جه‌لال تاڵه‌بانی یاده‌كه‌ له‌ سلێمانی و به‌غدا و نه‌جه‌ف، به‌ئاماده‌بوونی سه‌رۆكی یه‌كێتیی نیشتمانیی كوردستان ده‌كاته‌وه‌.

پێشتر د. محه‌مه‌د سابیر سه‌رۆكی دامه‌زراوه‌ی سه‌رۆك جه‌لال تاڵه‌بانی لە لێدوانێکدا رایگه‌یاند: " بۆ ساڵیادی كۆچی دوایی سه‌رۆك مام یاده‌كه‌ له‌ سلێمانی و به‌غدا و نه‌جه‌ف ده‌بێت، ئه‌مه‌ جگه‌ له‌وه‌ی له‌ رۆژی 10ـی ئۆكتۆبه‌ر، كورته‌ فیلمێك له‌باره‌ی ژیانی سه‌رۆك مام جه‌لال له‌ سلێمانی نمایش ده‌كرێت

 سه‌رۆكی دامه‌زراوه‌ی سه‌رۆك جه‌لال تاڵه‌بانی روونیشیکردەوە ئەمڕۆ 3ـی ئۆكتۆبه‌ر سه‌ره‌تای مه‌ڕ‌اسیمه‌كه‌ به‌ دانانی تاجه‌گوڵینه‌ له‌سه‌ر مه‌زاری مام له‌ ده‌باشان ده‌ستپێده‌كات, كه‌ له‌لایه‌ن سكرتارییه‌تی سه‌رۆك مام جه‌لاله‌وه‌ مه‌راسیمه‌كه‌ به‌ڕ‌ێوه‌ده‌چێت، پاشانیش هه‌مان رۆژ  سه‌عات 4ـی پاشنیوه‌ڕ‌ۆ، مه‌راسیمێكی شایسته‌ له‌ به‌غدا له‌ژێر چاودێری سه‌رۆك كۆماری عیراق و به‌ئاماده‌بوونی بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان و سه‌ركرده‌ عیراقییه‌كان ده‌بێت".

مام جەلال كە یەكەم سەرۆك كۆماری عیراق و سكرتێری گشتی یەكێتیی نیشتماییی كوردستان بوو، رۆژی 17-12-2012 بەهۆی تێكچوونی باری تەندروستییەوە لە بەغداوە رەوانەی ئەڵمانیا كرا بەمەبەستی وەرگرتنی چارەسەری پزیشیكی، بەداخەوە رۆژی 3-10-2017 دڵە گەورەكەی لەلێدان كەوت و كۆچیی دوایی كرد.

PUKMEDIA